ஈக்காட்டுத்தாங்கல் பகுதியில் தமிழச்சி தங்கபாண்டியன் வாக்கு சேகரிப்பு !

சென்னை, ஈக்காட்டுத்தாங்கல் பகுதியில் 168-வது வட்டத்தில், 15-வது நாளாக திமுக தென் சென்னை வேட்பாளர் தமிழச்சி தங்கபாண்டியன் பொது மக்களை நேரில் சந்தித்து வாக்கு சேகரிப்பில் ஈடுபட்டார்.

இந்த 15-வது நாள் வாக்கு சேகரிப்பை அமைச்சர் மா.சுப்பிரணியன் மற்றும் பகுதி கழக செயலாளர் துரைராஜ் ஆகியோர் தேர்தல் பிரச்சாரத்தினை தொடங்கி வைத்தார்.

வாக்கு சேகரிப்பு 139-வது வட்டம் -ஜோதி காந்தி நகர் பகுதியில் தொடங்கி, சொர்ணாம்பிகை நகர், முனுசாமி நகர், தானகோட்டி ராஜா நகர்,தனக்கோட்டி நகர், ஆறுமுகம் நகர், சத்யா நகர், சர்தார் சாலை வழியாக வந்து காந்தி சாலையில் நிறைவு பெறுகிறது.

இந்தப் பதினைந்தாம் நாள் வாக்கு சேகரிப்பு காலை 8.00 மணிக்கு தொடங்கி மதியம் 2.00 மணி வரை நடைபெறுகிறது.

இன்று மட்டும் மொத்தம் 25 இடங்களுக்கு சென்று வாக்கு சேகரிக்க உள்ளார் தமிழச்சி தங்கபாண்டியன். ஈக்காட்டுத்தாங்கல் பகுதியில் வாக்கு சேகரிக்க வரும் தமிழச்சி தங்கபாண்டியனுக்கு, திமுக நிர்வாகிகள் சார்பில் மாலை அணிவித்து, வழி நெடுகிலும் மலர் தூவி, ஆரத்தி எடுத்து பிரம்மாண்ட வரவேற்பு அளிக்கப்பட்டது.

திமுக கூட்டணியில் இடம் பெற்றிருக்கக் கூடிய அனைத்து அரசியல் கட்சி நிர்வாகிகள் இருசக்கர வாகனங்களில் பேரணியாக சென்று தனது அரசியல் கொடிகளை கட்டிக்கொண்டு வாக்கு சேகரிப்பில் ஈடுபட்டார்.