டென்னிஸ் போட்டி: பள்ளி மாணவர்கள் சாதனை

தமிழ்நாடு பள்ளிக்கல்வித் துறை நடத்திய 17 வயதிற்கு உட்பட்டோருக்கான மாநில அளவிலான டென்னிஸ் போட்டிகள் திருச்சி. மாவட்டம் முசிறியில் கடந்த 5-ந்தேதி முதல் 7-ந்தேதி வரை 3 நாட்கள் நடைபெற்றன. இதில் தமிழக அளவில் 39 மாவட்டங்களைச் சேர்ந்த டென்னிஸ் வீரர்கள் பங்கு பெற்றனர். அதில் சேலம் மாவட்டம் ஏற்காடு மாண்ட்போர்ட் ஆங்கிலோ இந்தியன் மேல்நிலைப் பள்ளி மாணவர் சாய்கரண் கலந்து கொண்டு மாநில ஒற்றையர் பிரிவில் 2-ம் இடம் பிடித்து வெள்ளிப்பதக்கம் வென்றார். இரட்டையர் பிரிவில் மாணவர் நிவென் பிராங்கி மற்றும் சாய்கரண் ஆகியோர் 3-ம் இடம் பிடித்து வெண்கலப்பதக்கம் வென்று சாதனைப் படைத்தனர். வெற்றி பெற்ற மாணவர்களையும் , மாண்ட்போர்ட் பள்ளி உடற்கல்வி இயக்குனர் ஜெயக்குமார், உடற்கல்வி ஆசிரியர் மற்றும் பயிற்சியாளர்கள் வசந்தகுமார், ராஜாகனி ஆகியோரையும் பள்ளி முதல்வர் அருட்சகோதரர் டோமினிக் சேவியோ பாராட்டினார்.