தலசயனப் பெருமாள் கோயில் மகா சம்ப்ரோக்ஷணம்

மாமல்லபுரம் ஸ்ரீதலசயனப் பெருமாள் கோயிலுக்கு 25 ஆண்டுகக்குப் பிறகு மகா சம்ப்ரோக்ஷணம் விமரிசையாக நடைபெற்றது. இதில் இந்து சமய அறநிலையத் துறை அமைச்சா் பி.கே.சேகா்பாபு உள்ளிட்ட திரளான பக்தா்கள் பங்கேற்றனா். 108 வைணவ திவ்ய தலங்களில் இக்கோயில் 63-ஆவது தலமாக விளங்குகிறது. பூதத்தாழ்வாா் அவதரித்த திருத்தலமாகவும் புகழ் பெற்று விளங்குகிறது.

12 ஆழ்வாா்களுக்கும் இங்கே தனித்தனியாக சந்நிதிகள் உண்டு. பூதத்தாழ்வாா், திருமங்கையாழ்வாரின் பாடல் பெற்ற சிறப்பு வாய்ந்த தலம். சிதிலமடைந்திருந்த இந்தக் கோயில் ரூ.3.51 கோடியில் புனரமைப்பு செய்யப்பட்டது. இதையடுத்து வியாழக்கிழமை மகா சம்ப்ரோக்ஷணம் நடைபெற்றது.

கோயிலின் முன்புற கோபுரத்தில் புனிதநீா் ஊற்றப்பட்டு வைணவ ஆகம முறைப்படி நடத்தப்பட்டது.உற்சவமூா்த்திகள் ஸ்ரீதலசயனப் பெருமாள், ஸ்ரீ நிலமங்கைத் தாயாா், ஸ்ரீ ஆண்டாள், ஸ்ரீ பூதத்தாழ்வாா் உள்ளிட்ட பரிவார சந்நிதிகளுக்கும் புனித நீா் ஊற்றப்பட்டு சம்ப்ரோக்ஷணம் நடைபெற்றது. முன்னதாக யாக சாலையில் புனிதநீா் நிரப்பட்ட கலசங்கள் வைக்கப்பட்டு, சிறப்பு பூஜைகள் நடத்தப்பட்டன.

பிறகு வைணவ பட்டா்கள் மூலம் கலசநீா் கோபுரங்களுக்கு கொண்டு செல்லப்பட்டு சம்ப்ரோக்ஷணம் நடந்தது. அன்னதானம் வழங்கப்பட்டது. விழாவில் இந்து சமய அறநிலையத் துறை அமைச்சா் பி.கே.சேகா்பாபு கலந்து கொண்டு தரிசனம் செய்தாா். அப்போது அவா் கூறுகையில், இந்த ஆட்சி பொறுப்பேற்ற பிறகு மொத்தம் 8,186 கோயில்களில் திருப்பணி மேற்கொள்வதற்கு அனுமதி வழங்கப்பட்டுள்ளது.

மாமல்லபுரம் பேருந்து நிலையப் பணி பிப்ரவரி மாதம் இறுதிக்குள் அடிக்கல் நாட்டி 18 மாதங்களில் பொதுமக்கள் பயன்பாட்டுக்கு கொண்டு வரப்படும் என்றாா். திருக்கழுகுன்றம் வேதகிரீஸ்வரா் கோயில் மலைக்கு ரோப் காா் குறித்து முதலமைச்சரிடம் ஆலோசனை செய்யப்பட்டு விரைவில் அந்தத் திட்டம் கொண்டு வரப்படும் என்றும் தெரிவித்தாா்.