முதியவர் அடித்துக் கொலை - குற்றவாளி கைது !

ராணிப்பேட்டை மாவட்டம், கலவையை அடுத்த குப்பிடிசாத்தம் கிராமம் நடுத்தெருவை சேர்ந்தவர் முனுசாமி (72). இவரது மகன் சண்முகம் நேற்று முன்தினம் இரவு முனுசாமிக்கு, மகன் சண்முகம் சிக்கன் ரைஸ் வாங்கி வந்ததுள்ளார்.அப்போது எதிர்வீட்டை சேர்ந்த தொழிலாளி சிவாவின் (38) குட்டி நாய் சிக்கன் ரைசில் வாய் வைத்ததாக கூறப்படுகிறது. இதனால் ஆத்திரமடைந்த சண்முகம் நாயை அடித்துள்ளார். இதை பார்த்த சிவா நாயை ஏன் அடித்தாய் என கேட்டுள்ளார். அப்போது இருவரும் மது போதையில் இருந்ததால் வாக்குவாதம் முற்றி கை கலப்பாக மாறியுள்ளது. இதனை தடுக்க வந்த முனுசாமியை, சிவா கட்டையால் தாக்கியுள்ளார். இதில் காயமடைந்த முனுசாமியை உறவினர்கள் மீட்டு கலவை அரசு மருத்துவமனையில் அனுமதித்தனர்.அங்கு டாக்டர்கள் முனுசாமியை பரிசோதித்தபோது அவர் ஏற்கனவே இறந்துவிட்டது தெரிய வந்தது. இதுகறித்து தகவல் அறிந்ததும் வாழைப்பந்தல் சப்-இன்ஸ்பெக்டர் ஜெயகாந்தன் மற்றும் போலீசார் சென்று உடலை மீட்டு பிரேத பரிசோதனைக்காக ஆற்காடு அரசு மருத்துவமனைக்கு அனுப்பி வைத்தனர்.மேலும் இது குறித்து போலீசார் வழக்குப் பதிவு செய்து சிவாவை கைது செய்து விசாரணை நடத்தி வருகின்றனர்.