மயிலாடுதுறை மாவட்டத்தில் நாளை பள்ளி,கல்லூரிகளுக்கு விடுமுறை

மயிலாடுதுறை மாவட்டத்தில் பரவலாக விட்டுவிட்டு மழை பெய்து வருகிறது. மயிலாடுதுறை மாவட்டத்திற்கு கனமழை எச்சரிக்கை விடுக்கப்பட்டுள்ளது. மயிலாடுதுறை மாவட்டத்தை சேர்ந்த 28 மீனவர் கிராம மீனவர்கள், இன்று (13-11-23) முதல் மறு அறிவிப்பு வரும் வரை, கடலுக்குள் மீன் பிடிக்க செல்ல வேண்டாம் என மாவட்ட ஆட்சியர் அறிவித்துள்ளார். மேலும் கனமழை எச்சரிக்கையை முன்னிட்டு 14ஆம் தேதி செவ்வாய் கிழமையன்று மயிலாடுதுறை மாவட்ட பள்ளி கல்லூரிகளுக்கு விடுமுறை என மாவட்ட ஆட்சியர் மகாபாரதி அறிவித்துள்ளார்.