அரக்கோணம் அருகே போதையில் இளைஞர்கள் ஓட்டுனரை தாக்கும் வீடியோ வைரல்..

அரக்கோணம் அருகே போதையில் லாரி ஓட்டுனரை இளைஞர்கள் தாக்கிய வீடியோ சமூக வலைதளத்தில் வைரலாகி வருகிறது. ராணிப்பேட்டை மாவட்டம், அரக்கோணம் அடுத்த வின்டர்பேட்டை பகுதியை சேர்ந்த நித்தியானந்தம். இவர், அரக்கோணத்தில் உள்ள எப்சியை குடோனில் ஒப்பந்த அடிப்படையில் லாரி ஓட்டுனராக பணியாற்றி வருகிறார். இந்த நிலையில் சென்னை சென்று சரக்கு இறக்கிவிட்டு மீண்டும் அரக்கோணம் எஸ்பிஐ செல்லும் வழியில் அரக்கோணம் வின்டர்பேட்டை பகுதியில் லாரி வந்துகொண்டு இருந்தபோது போதையில் இருந்த ஐந்து இளைஞர்கள் லாரியை வழிமறித்து நிறுத்தியதும் இளைஞர்கள் கையில் இருந்த கல் மற்றும் கட்டைகளால் லாரி ஓட்டுனர் நித்தியானந்தத்தை பலமாக தாக்கியுள்ளனர். இதில் படுகாயம் அடைந்த அவரை அங்கிருந்தவர்கள் மீட்டு உடனடியாக அரக்கோணம் அரசு மருத்துவமனைக்கு கொண்டுவரப்பட்டு தீவிர சிகிச்சை பிரிவில் அனுமதித்தனர். தற்போது அவர் சிகிச்சை பெற்று வருகிறார்.  நித்தியானந்தத்தை போதையில் தாக்கும் இளைஞர்களின் வீடியோ சமூக வலைதளங்களில் வைரல் ஆகி வருகிறது . இதையடுத்து தகவல் அறிந்த காவல்துறையினர் வழக்கு பதிவு செய்து இச்சம்பத்தில் ஈடுபட்ட 4 பேரை கைது செய்தனர்.