பாம்பு கடித்து பெண் உயிரிழப்பு
நெமிலி அருகே வீட்டின் முன்பு கோலம் போட்டுக் கொண்டிருந்த பெண் பாம்பு கடித்து உயிரிழந்த சம்பவம் சோகத்தை ஏற்படுத்தியது.
Update: 2024-04-22 13:15 GMT
பாம்பு கடித்து பெண் பலி
ராணிப்பேட்டை மாவட்டம், நெமிலி பேரூராட்சியில் உள்ள வன்னியர் தெருவை சேர்ந்தவர் கோவிந்தராஜ். இவரது மனைவி தாட்சாயிணி (43). இவர் வீட்டு வாசலை தூய்மைபடுத்தி, கோலம் போட்டுக்கொண்டிருந்தார். அப்போது அவரை பாம்பு கடித்துள்ளது.
உடனடியாக அவரை, அங்கிருந்தவர்கள் மீட்டு அரக்கோணம் அரசு மருத்துவமனைக்கு அனுப்பி வைத்தனர். அங்கு பரிசோதித்த டாக்டர்கள், தாட்சாயிணி வரும் வழியிலேயே இறந்துவிட்டதாக தெரிவித்தனர். இந்த சம்பவம் குறித்து நெமிலி போலீசார் வழக்குப்பதிவு செய்து விசாரித்து வருகின்றனர்.