ரயிலில் அடிபட்டு தொழிலாளி பலி
அரக்கோணம் ரயில் நிலையம் அருகே தண்டவாளத்தை கடக்க முயன்ற முதியவர் ரயில் மோதி சம்பவ இடத்திலேயே உயிரிழந்தார்.
Update: 2024-04-04 16:22 GMT
பலி
சென்னை பூந்தமல்லியை அடுத்த திருமழிசை பகுதியை சேர்ந்தவர் கோவிந்தசாமி (60). கட்டிட தொழிலாளி. இவர் அரக்கோணம் அருகே வேலை முடிந்து இரவு வீட்டிற்கு ரயிலில் செல்வதற்காக அரக்கோணம் ரயில் நிலையம் அருகே தண்டவாளத்தை கடக்க முயன்றார். அப்போது அந்த வழியாக வந்த மின்சார ரயிலில் அடிபட்டு சம்பவ இடத்திலேயே அவர் பரிதாபமாக உயிரிழந்தார்.
தகவல் அறிந்து வந்த அரக்கோணம் ரயில்வே போலீசார் உடலை மீட்டு பிரேத பரிசோதனைக்காக அரக்கோணம் அரசு மருத்துவமனைக்கு அனுப்பி வைத்தனர். மேலும், இது குறித்து வழக்குப்பதிவு செய்து விசாரணை நடத்தி வருகின்றனர்.