இஸ்ரேல் தாக்குதலில் இதுவரை 33,175 பாலஸ்தீனியர்கள் உயிரிழப்பு!
இஸ்ரேல் தாக்குதலில் இதுவரை 33,175 பாலஸ்தீனியர்கள் உயிரிழந்ததாக பாலஸ்தீன சுகாதார அமைச்சகம் தெரிவித்துள்ளது.
Update: 2024-04-08 10:02 GMT
இஸ்ரேல் தாக்குதலில்
கடந்த ஆண்டு அக்.7-ஆம் தேதி இஸ்ரேல் மீது ஹமாஸ் அமைப்பினர் தாக்குதல் நடத்தினர். அந்த நாட்டுக்குள் அதிரடியாக ஊடுருவி சுமார் 1,200 பேரை படுகொலை செய்தனர். தொடர்ந்து இது போன்ற தாக்குதல் நடைபெற்று வருகிறது. இந்த நிலையில், தெற்கு காஸா நகரான ராபாவில் இஸ்ரேல் வான்வழி தாக்குதல் நடத்தியது.
தாக்குதலில் இரண்டு வீடுகள் தகர்க்கப்பட்டதாகவும், 3 குழந்தைகள், 2 பெண்கள் மற்றும் அடையாளம் தெரியாத ஒருவர் உயிரிழந்ததாகவும் தகவல் தெரிவிக்கின்றன.
மேலும் இதுவரை 33,175 பாலஸ்தீனர்கள் உயிரிழந்ததாகவும், 75,668 பேர் காயமடைந்ததாகவும் பாலஸ்தீன சுகாதார அமைச்சகம் தெரிவித்துள்ளது.