எலக்ட்ரிக் ஸ்கூட்டர்களுக்கு சிறப்பு சலுகைகள் அறிவித்த ஓலா நிறுவனம் - 3 நாட்கள் மட்டுமே !!

ஓலா எலக்ட்ரிக் நிறுவனம் அதன் தீபாவளி சிறப்பு சலுகைகளை அறிவித்துள்ளது. ஓலா எலக்ட்ரிக்கில் இருந்து விற்பனை செய்யப்படும் அனைத்து எஸ்1 எலக்ட்ரிக் ஸ்கூட்டர்களுக்கும் இந்த சிறப்பு சலுகைகள் உள்ளது என தெரிவித்துள்ளது. இதன்படி, ரூ.25,000 வரையில் குறைந்த விலையில் ஓலா எலக்ட்ரிக் ஸ்கூட்டர்களை வாங்கிகொள்ளலாம் என அறிவித்துள்ளது. மேலும், கூடுதலாக ரூ.30,000 வரையிலான சலுகைகளும் உள்ளது.

ஓலா நிறுவனம் கடந்த 1 மாத காலமாக 'ஓலா பிக்கெஸ்ட் சீசன் சேல்' என்கிற திட்டத்தை செயல்படுத்தி வருகிற நிலையில் இந்த திட்டத்தின்படி ஏற்கனவே ஓலா எலக்ட்ரிக் ஸ்கூட்டர்களுக்கு சில சலுகைகள் அறிவிக்கப்பட்டுள்ளதை அடுத்து அந்த வரிசையில், தற்போது மீண்டும் ஓலா எஸ்1 எலக்ட்ரிக் ஸ்கூட்டர்களுக்கு ரூ.25,000 வரையில் சலுகைகள் அறிவிக்கப்பட்டுள்ளன. '72 மணிநேர விற்பனை' என்கிற பெயரில் இந்த சலுகையை ஓலா எலக்ட்ரிக் அறிவித்துள்ளது.'72 மணிநேர விற்பனை' என்பது 3 -நாள் (அக்டோபர் 29, 30, 31) இந்த சலுகை மட்டுமே வழங்கப்பட உள்ளது.

இந்த சலுகையினால், ஓலா எஸ்1 எலக்ட்ரிக் ஸ்கூட்டர்களின் குறைந்தப்பட்ச விலை ஆனது ரூ.74,999 ஆக குறைந்துள்ளது. ஓலா எஸ்1 எலக்ட்ரிக் ஸ்கூட்டரை வாங்கும் வாடிக்கையாளர்கள் சில கிரெட் கார்ட் ஹோல்டர்களுக்கு ரூ.5,000 வரையிலான ஃபைனான்சிங் சலுகைகள், ரூ.6,000 மதிப்பிலான மூவ் ஓ.எஸ்+ அப்கிரேட் இலவசம், ரூ.7,000 வரையிலான இலவச சார்ஜிங் கிரெடிட்ஸ் மற்றும் ரூ.5,000 மதிப்பிலான எக்ஸ்சேஞ்ச் போனஸ் உள்ளிட்டவற்றையும் பெறலாம். தற்போது 3 விதமான ஓலா எஸ்1 எலக்ட்ரிக் ஸ்கூட்டர்கள் விற்பனை செய்யப்படுகின்றன. எஸ்1 புரோ, எஸ்1 ஏர், எஸ்1 எக்ஸ் என்பன அவை ஆகும். இதில் எஸ்1 எக்ஸ் எலக்ட்ரிக் ஸ்கூட்டர் 2kWh, 3kWh மற்றும் 4kWh பேட்டரி ஆப்ஷன்களில் கிடைக்கிறது. இவற்றின் எக்ஸ்-ஷோரூம் விலைகள் ரூ.74,999-இல் இருந்து ரூ.1,14,999இல் வரையில் உள்ளன.