சாய்பாபாவின் பிறந்த நாளை முன்னிட்டு இலவச கண் சிகிச்சை முகாம்:

ஸ்ரீ சத்திய சாயிசேவாசமிதி மல்லசமுத்திரம் கிளையில் சாய்பாபா 99 வது பிறந்த தினத்தை முன்னிட்டு,சேலம் அரவிந்த் கண் மருத்துவமனை இணைந்து மல்லசமுத்திரம் ஆர்.ஓ.ஏ., திருமண மண்டபத்தில் நேற்று முன்தினம் காலை 9 மணி முதல் மதியம் 1மணி வரை இலவச கண்சிகிச்சை முகாம் நடந்தது. இதில், 143-பயனாளிகளுக்கு கிட்டப்பார்வை, துரப்பார்வை, வெள்ளெழுத்து கண்புரை, பார்வை இழப்பு உள்ளிட்ட பல்வேறு பரிசோதனைகள் செய்யப்பட்டது. இதில், 26 பேர் கண் அறுவை சிகிச்சைக்கு தேர்வு செய்யப்பட்டு வேன் மூலம் அவர்களுக்கு காலை, மதியம் உணவு வழங்கப்பட்டு அறுவை சிகிச்சை செய்து மீண்டும் மல்லசமுத்திரம் வந்தடைந்தனர். முகாம் ஏற்பாடுகளை, சத்திய சாயி சேவா சமிதி உறுப்பினர்கள் சிறப்பாக செய்திருந்தனர்.