செல்வம் நகரில் நடந்து சென்றவர் மீது வேகமாக வந்த டூவீலர் மோதி விபத்து ஒருவர் படுகாயம்.

செல்வம் நகரில் நடந்து சென்றவர் மீது வேகமாக வந்த டூவீலர் மோதி விபத்து ஒருவர் படுகாயம். கரூர் மாவட்டம், மண்மங்கலம் தாலுக்கா, ஆண்டாங் கோவில் கிழக்கு, எம்ஜிஆர் நகரை சேர்ந்தவர் ராஜாமணி வயது 52. இவர் ஆகஸ்ட் 2ஆம் தேதி இரவு 8 மணி அளவில், செல்வம் நகர் பகுதியில் உள்ள கொங்கு பெயிண்ட் கடை முன்பு நடந்த சென்றபோது, அதே சாலையில் வேகமாக வந்த செல்வம் நகரை சேர்ந்த சீனிவாசன் என்பவர் ஓட்டி வந்த டூ வீலர், நடந்து சென்ற ராஜாமணி மீது மோதி விபத்து ஏற்பட்டது. இதில் நிலை தடுமாறி கீழே விழுந்த ராஜாமணிக்கு தலையில் பலத்த காயமேற்பட்டதால், உடனடியாக அவரை மீட்டு தனியார் ஆம்புலன்ஸ் மூலம் கோவையில் உள்ள அரசு மருத்துவக் கல்லூரி மருத்துவமனையில் சிகிச்சைக்காக அனுமதித்தனர். இந்த சம்பவம் அறிந்த ராஜாமணியின் உடன் பிறந்த சகோதரர் சோழியப்பன், இது தொடர்பாக காவல் நிலையத்தில் அளித்த புகார் பேரில் சம்பவ இடத்திற்கு சென்று விசாரணை மேற்கொண்ட காவல்துறையினர், டூவீலரை வேகமாகவும் அஜாக்கிரதையாகவும் ஓட்டி விபத்து ஏற்படுத்திய ஸ்ரீனிவாசன் மீது வழக்கு பதிவு செய்துள்ளனர் கரூர் மாநகர காவல் துறையினர்.