திருச்சி-கரூர் சாலையில் கார் மீது டூ வீலர் மோதி விபத்து. இருவர் படுகாயம்.

திருச்சி-கரூர் சாலையில் கார் மீது டூ வீலர் மோதி விபத்து. இருவர் படுகாயம். திருப்பூர் மாவட்டம் மங்கலம் முருகம்பாளையம் அண்ணாமலையார் நகர் பகுதியைச் சேர்ந்தவர் சுப்பிரமணிய வயது 43. இதே போல பீகார் மாநிலம், ராம்படார்பூர் பகுதியைச் சேர்ந்தவர் முகேஷ் ராம் வயது 25. இவர்கள் இருவரும், ஆகஸ்ட் 3-ம் தேதி காலை 7 மணி அளவில், இவர்களுக்கு சொந்தமான காரில் திருச்சி- கரூர் சாலையில் சென்று கொண்டிருந்தனர். காரை சுப்பிரமணி ஓட்டி சென்றார். இவரது கார் திருச்சி- கரூர் சாலையில் உள்ள ஏ1 பைப் கம்பெனி அருகே சென்றபோது, பீகார் மாநிலத்தை சேர்ந்த மிதிலேஷ் குமார் ராம் வயது 25 என்பவர் வேகமாக ஓட்டி வந்த டூ வீலர் சுப்பிரமணி ஓட்டி வந்த கார் மீது நேருக்கு நேர் மோதி விபத்து ஏற்பட்டது. இந்த விபத்தில் சுப்பிரமணி ஓட்டிய காரில் பயணித்த முகேஷ்ராம்க்கு தலையில் காயம் ஏற்பட்டது, இதே போல மிதிலேஷ் குமார்ராம்-க்கும் தலையில் காயம் ஏற்பட்டது. இருவரையும் மீட்டு தனியார் ஆம்புலன்ஸ் மூலம், கரூரில் உள்ள ராஜ் ஆர்த்தோ மருத்துவமனையில் சிகிச்சைக்காக அனுமதித்தனர். இந்த சம்பவம் தொடர்பாக சுப்பிரமணி அளித்த புகாரின் பேரில், சம்பவ இடத்திற்கு விரைந்து வந்த காவல் துறையினர், டூவீலரை வேகமாகவும், அஜாக்கிரதையாகவும் ஓட்டி விபத்து ஏற்பட காரணமான பீகாரைச் சேர்ந்த மிதிலேஷ்குமார் ராம் மீது வழக்கு பதிவு செய்துள்ளனர் வெள்ளியணை காவல்துறையினர்.