டூவீலரில் நிலைதடுமாறி விழுந்ததில் ஒருவர் பலி

நாமக்கல் மாவட்டம் குமாரபாளையம் அருகே குப்பாண்டபாளையம் பகுதியில் வசிப்பவர் ஈஸ்வரன், 55. விசைத்தறி கூலி. இவரும், அதே பகுதியை சேர்ந்த இவரது நண்பர் அங்கமுத்து, 45,  என்பவரும், நேற்றுமுன்தினம்  இரவு 12:05 மணியளவில், கோட்டைமேடு அருகே அங்கமுத்துவின் டி.வி.எஸ். ஜூபிடர் வாகனத்தில், அங்கமுத்து ஓட்ட, ஈஸ்வரன் பின்னால் உட்கார்ந்து சென்றார். இதில் வேகமாக சென்றதால், நிலைதடுமாறி இருவரும் கீழே விழுந்தனர். இதில் பலத்த காயமடைந்த ஈஸ்வரன், ஈரோடு அரசு மருத்துவமனையில் சேர்க்கப்பட்டார். சிகிச்சை பலனின்றி பகல் 11:15 மணியளவில் இறந்தார். இது குறித்து ஈஸ்வரன் மகள் இளவரசி, 29, குமாரபாளையம் போலீசில் புகார் கொடுக்க, குமாரபாளையம் போலீசார் வழக்குப்பதிவு செய்து அங்கமுத்துவை செய்தனர்.