லாரி மீது ஆம்னி பஸ் மோதல், ஏழு பேர் காயம்.

பெரம்பலூர் அருகே லாரி மீது ஆம்னி பஸ் மோதியதில் 7 பேர் காயமடைந்தனர். சென்னையில் இருந்து சிவகங்கை மாவட்டம் நாட்டரசன் கோட்டைக்கு ஆம்னி பஸ் ஒன்று பயணிகளுடன் நேற்று முன்தினம் இரவு புறப் பட்டது. பஸ்சை டிரைவர் சென்னை அம்பத்தூர் வெங்கடபுரத்தை சேர்ந்த சையது சுல்பிகர் (வயது 45) என்பவர் ஓட்டினார். நேற்று அதிகாலை 4 மணியளவில் சென்னை-திருச்சி தேசிய நெடுஞ்சாலையில் பெரம்பலூர் அருகே சிறுவாச்சூரை தாண்டி அந்த பஸ் வந்து கொண்டிருந்தது. அப் போது அதே சாலையில் முன்னால் குடிநீர் ஏற்றிச்சென்ற டேங்கர் லாரி மீது பஸ் எதிர் பாராதவிதமாக மோதியது. இதில் பஸ்சின் முன்பக்கம் அப்பளம் போல் நொறுங்கியது. மேலும் பஸ்சில் பயணம் செய்த பயணிகளில் 4 பெண் கள் உள்பட 7 பேர் காயமடைந்தனர். இது குறித்து தகவல் அறிந்து சம்பவ இடத் திற்கு விரைந்து சென்ற பெரம்பலூர் போலீசாரும், தீயணைப்பு வீரர்களும் காயமடைந்தவர்களை பஸ்சில் இருந்து உடனடியாக மீட்டு சிகிச்சைக்காக பெரம்பலூர் அரசு மருத்துவமனைக்கு அனுப்பி வைத்தனர். அங்கு அவர்கள் சிகிச்சை பெற்று வருகின்றனர். பின்னர் போலீசார் விபத்துக்குள்ளான பஸ் சையும், லாரியையும் சாலையில் இருந்து அப்புறப்படுத்தி போக்குவரத்தை ஒழுங்குப்படுத்தினர். இது தொடர்பாக போலீசார் வழக்குப்பதிவு செய்து விசாரணை நடத்தி வருகின்றனர்.