சேலம் சீலநாயக்கன்பட்டி சோதனைச்சாவடி அருகே போலீசார் ரோந்து சென்றனர்.. அப்போது அந்த வழியாக ஒரு நபர் சந்தேகத்திற்கிடமான முறையில் நடந்து சென்றார். அவரை பிடித்து போலீசார் விசாரணை நடத்தினர். அப்போது அவர் கோவையை சேர்ந்த சிங்காரவேலன் (வயது36) என்பதும், பீளமேடு போலீஸ் நிலையத்திற்குட்பட்ட பகுதியில் நடந்த கொலை வழக்கில் பிடிவாரண்டு பிறப்பிக்கப்பட்டு தலைமறைவாக இருந்து வந்ததும் தெரியவந்தது. இதையடுத்து அவரை, போலீசார் அன்னதானப்பட்டி போலீஸ் நிலையத்தில் ஒப்படைத்தனர். தொடர்ந்து போலீசார் அவரிடம் விசாரணை நடத்தி வருகின்றனர்.