சத்தியமங்கலம் அருகே தாய்மார்களுக்கு ஊட்டச்சத்து பெட்டகம்

சத்தியமங்கலம் அருகே தாய்மார்களுக்கு ஊட்டச்சத்து பெட்டகம் சத்தியமங்கலம், குறைந்த எடையுடன் பிறந்த குழந்தைகளின் தாய்மார்களுக்கு ஊட்டச்சத்து பெட்டகம் வழங்கும் நிகழ்ச்சியை சென்னையில் இருந்து முதல்-அமைச்சர் மு.க.ஸ்டாலின் காணொலி காட்சி மூலம் தொடங்கி வைத்தார். இதைத்தொடர்ந்து சத்திய மங்கலம் அருகே உள்ள புதுப்பீர்க்கடவு ஊராட்சிக்குட்பட்ட பசுவபாளையம் அங்கன்வாடி மையத்தில் தாய்மார்களுக்கு ஊட்டச்சத்து பெட்டகம்வழங்கும் நிகழ்ச்சி நடைபெற்றது. சத்தியமங்கலம் ஊராட்சி ஒன்றியக்குழு தலைவர் கே.சி.பி.இளங்கோ நிகழ்ச்சிக்கு தலைமை தாங்கி தாய்மார்களுக்கு ஊட்டச்சத்து பெட்டகங்களை வழங்கினார். குழந்தைகள் வளர்ச்சி திட்ட அலுவலர் தமிழ்ச் செல்வி முன்னிலை வகித்தார். இதில். ராஜன்நகர் ஊராட்சி தலைவர் சந்திர மணி செல்வம், சத்தியமங்கலம் தெற்கு ஒன்றிய தி.மு.க. துணை செயலாளர் அசோகன், குழந்தைகள் வளர்ச்சி திட்ட மேற்பார்வையாளர்கள் ராஜேஸ்வரி, மகேஸ்வரி, வட்டார ஒருங்கிணைப்பாளர் கார்த்திக் மற்றும் அங்கன்வாடி பணியாளர்கள் பலர் கலந்து கொண்டனர்