தூத்துக்குடி பேருந்து நிலையம் அருகே வழிப்பறி : ரவுடி கைது!

தூத்துக்குடியில் பேருந்து நிலையம் அருகே அரிவாளைக் காட்டி மிரட்டி பணம் பறிக்க முயன்ற ரவுடியை போலீசார் கைது செய்தனர். தூத்துக்குடியில் மாவட்ட காவல் கண்காணிப்பாளர் எல். பாலாஜி சரவணன் உத்தரவின்படி நகர உட்கோட்ட காவல் உதவி கண்காணிப்பாளர் கேல்கர் சுப்ரமண்ய பால்ச்சந்திரா மேற்பார்வையில் வடபாகம் காவல் நிலைய ஆய்வாளர் பாலமுருகன் தலைமையிலான போலீசார் நேற்று ரோந்து பணியில் ஈடுபட்டபோது புதிய பேருந்து நிலையம் அருகே உள்ள வாட்டர் டேங்க் பகுதியில் சந்தேகத்திற்கிடமான முறையில் நின்று கொண்டிருந்தவரை பிடித்து விசாரணை செய்தனர். இதில் அவர் தூத்துக்குடி தாய் நகரை சேர்ந்த பரமசிவம் மகன் காளிராஜ் (எ) கட்டகாளி (38) என்பதும் அவர் அப்பகுதியில் வந்து கொண்டிருந்த ஒருவரை வழிமறித்து பணம் கேட்டு தகராறு செய்து அவரை அரிவாளால் தாக்க முயன்று கொலை முயற்சியில் ஈடுபட்டதும் தெரியவந்தது. உடனே போலீசார் காளிராஜ் (எ) கட்டகாளியை கைது செய்து, அவரிடம் இருந்த அரிவாளையும் பறிமுதல் செய்தனர். மேலும் இதுகுறித்து வடபாகம் காவல் நிலைய போலீசார் வழக்குபதிவு செய்து விசாரணை மேற்கொண்டு வருகின்றனர்..