கரூரில் முன்னாள் அமைச்சர் செந்தில் பாலாஜி சார்பில் மறைந்த தலைவருக்கு புகழஞ்சலி.

கரூரில் முன்னாள் அமைச்சர் செந்தில் பாலாஜி சார்பில் மறைந்த தலைவருக்கு புகழஞ்சலி. மறைந்த முன்னாள் தமிழக முதலமைச்சரும், முன்னாள் திமுக தலைவருமான கலைஞர் கருணாநிதி 6-ம் ஆண்டு நினைவு தினத்தை முன்னிட்டு, தமிழக முழுவதும் உள்ள திமுக அமைச்சர்கள், சட்டமன்ற உறுப்பினர்கள் பல்வேறு நினைவேந்தல் நிகழ்ச்சிகளை நடத்தி வருகின்றனர். இதன் ஒரு பகுதியாக கரூர் சட்டமன்ற உறுப்பினரும் முன்னாள் அமைச்சருமான செந்தில் பாலாஜி சார்பில், அவரது சட்டமன்ற அலுவலகம் முன்பு அமைக்கப்பட்டு இருந்த அலங்கார மேடையில், மறைந்த தலைவர் கலைஞர் கருணாநிதி திருவுருவ படத்திற்கு மலர் மாலை அணிவித்து மலர்கள் தூவி புகழஞ்சலி செலுத்தும் நிகழ்ச்சி நடைபெற்றது. இந்த நிகழ்ச்சியில் கிருஷ்ணராயபுரம் எம்எல்ஏ சிவகாம சுந்தரி, கரூர் மாநகராட்சி மேயர் கவிதா கணேசன், துணை மேயர் தாரணி சரவணன், கட்சியின் நெசவாளர் அணி செயலாளர் நன்னியூர் ராஜேந்திரன், மாநகராட்சி மண்டல தலைவர்கள், கட்சியின் பல்வேறு அணிகளை சார்ந்த நிர்வாகிகள், கட்சித் தொண்டர்கள் என ஏராளமானோர் கலந்து கொண்டு மறைந்த தலைவருக்கு தங்களது இதய அஞ்சலியை செலுத்தினர்.