கைப்பந்து போட்டியில் வெற்றி பெற்ற மாணவர்களுக்கு பாராட்டு

பள்ளி கல்வித்துறை சார்பில் மாணவர்களுக்கான கைப்பந்து போட்டி சேலம் சிறுமலர் பள்ளியில் நடைபெற்றது. இதில் பல்வேறு பள்ளிகளை சேர்ந்த மாணவர்கள் கலந்து கொண்டனர். இறுதியில் சேலம் மரவனேரி செயின்ட்பால் பள்ளி மாணவர்கள் முதல் பரிசு பெற்றனர். அவர்களுக்கு பாராட்டு விழா பள்ளி வளாகத்தில் நடைபெற்றது. இதற்கு பள்ளி தலைமை ஆசிரியர் அலெக்ஸ் பிரபு தலைமை தாங்கினார். சேலம் மாவட்ட கைப்பந்து கழக செயலாளர் சண்முகவேல் கலந்து கொண்டு மாணவர்களை பாராட்டி வாழ்த்து தெரிவித்தார். இந்த நிகழ்ச்சியில் பள்ளி உதவி தலைமை ஆசிரியர் ராபர்ட், கைப்பந்து கழக பொருளாளர் விஜயகுமார், இணை செயலாளர்கள் வேங்கையன், வடிவேல், பள்ளி உடற்கல்வி இயக்குனர் தேவபிரபு, உடற்கல்வி ஆசிரியர் நாகராஜ் ஆகியோர் கலந்து கொண்டனர்.