பூலான்காளிவலசில் கத்தியைக் காட்டி மிரட்டி பணம் பறித்த இளைஞர் கைது.

பூலான்காளிவலசில் கத்தியைக் காட்டி மிரட்டி பணம் பறித்த இளைஞர் கைது. கரூர் மாவட்டம், புகலூர் தாலுகா, பூலான்காளி வலசு பகுதியைச் சேர்ந்தவர் பால்ராஜ் வயது 38. இவர் பூலாங்காளி வலசு பகுதியில் செயல்படும் டாஸ்மாக் கடை அருகே தின்பண்டங்கள் கடை வைத்து நடத்தி வருகிறார். ஆகஸ்ட் 5ஆம் தேதி காலை 11:30 மணியளவில், கடையில் பணியாற்றிக் கொண்டிருக்கும் போது, கரூர் மாவட்டம், அரவக்குறிச்சி தாலுகா, முடிகணம், கிழக்கு தெரு, காசிபாளையம் பகுதியைச் சேர்ந்த செல்வம் மகன் விஷ்ணுவர்தன் வயது 26 என்ற இளைஞர், பால்ராஜ் கடைக்கு சென்று கத்தியை காட்டி மிரட்டி ரூபாய் 200 பறித்துள்ளார். இதனால் பாதிக்கப்பட்ட பால்ராஜ் இது குறித்து காவல்துறையினருக்கு அளித்த புகாரின் பேரில்,சம்பவ இடத்திற்கு சென்று விசாரணை மேற்கொண்ட காவல்துறையினர், இது தொடர்பாக பணம் பறித்த விஷ்ணுவர்தனை கைது செய்து, அவர் மீது வழக்கு பதிவு செய்து, நீதிமன்றத்தில் ஆஜர் படுத்தி சிறையில் அடைத்து நடவடிக்கை மேற்கொண்டனர் க.பரமத்தி காவல்துறையினர்.