எல்லமேட்டில் தொடக்க வேளாண்மை கூட்டுறவு கடன் சங்க கிளையை திறந்து வைத்த எம்எல்ஏ

தொடக்க வேளாண்மை கூட்டுறவு கடன் சங்க கிளையை திறந்து வைத்த எம்எல்ஏ & ஆட்சியர். கரூர் மாவட்ட கூட்டுறவுத் துறை சார்பில், கரூர் மாவட்டம் , சின்னதாராபுரம் அருகே உள்ள எல்ல மேடு பகுதியில் முடிகணம் தொடக்க வேளாண்மை கூட்டுறவு கடன் சங்க எல்லமேடு கிளை திறப்பு விழாவில் பங்கேற்ற மாவட்ட ஆட்சியர் தங்கவேல் மற்றும் அரவக்குறிச்சி எம்எல்ஏ இளங்கோ ஆகியோர் ரிப்பன் வெட்டி திறந்து வைத்தனர். பின்னர் சங்க கிளை அலுவலகத்தில் சுவாமி திருவுருவ படங்களுக்கு பூஜை செய்த பிறகு, குத்து விளக்கை ஏற்றி வைத்து முறைப்படி சங்கக் கிளையை திறந்து வைத்தனர். இந்த நிகழ்ச்சியில் கூட்டுறவு சங்க இணை பதிவாளர் கந்தராஜா, கூட்டுறவு சங்க உறுப்பினர்கள், அலுவலர்கள், கட்சி நிர்வாகிகள், ஒப்பந்ததாரர்கள், உள்ளிட்டோர் கலந்து கொண்டு திறப்பு விழாவை சிறப்பித்தனர்.