மாநில கைப்பந்து போட்டியில் வெற்றி பெற்றவர்களுக்கு பரிசு

சேலம் மாவட்ட கைப்பந்து கழகம், ராஜன் ஸ்போர்ட்ஸ் கிளப் ஆகியவை இணைந்து மாநில அளவில் ஆண்கள், பெண்களுக்கான கைப்பந்து போட்டியை உடையாப்பட்டியில் நடத்தின. இதில் கோவை, திருப்பத்தூர் உள்ளிட்ட பல்வேறு மாவட்டங்களில் இருந்து ஆண்கள் பிரிவில் 22 அணிகள், பெண்கள் பிரிவில் 8 அணிகள் கலந்து கொண்டு விளையாடின. இறுதியில் பெண்கள் பிரிவில் ஆத்தூர் அணி முதல் இடம் பெற்றது. 2-ம் இடத்தை கோவை அணியும், 3-ம் இடத்தை திருப்பத்தூர் அணியும், 4-ம் இடத்தை சேலம் அணியும் பிடித்தன. ஆண்கள் பிரிவில் முதல் மற்றும் 2-ம் இடத்தை ஏற்காடு அணியும், 3-ம் இடத்தை ஆத்தூர் அணியும், 4-ம் இடத்தை எவரொஸ்ட் கைப்பந்து கழகம் அணியும் பிடித்தன. பின்னர் வெற்றி பெற்றவர்களுக்கு பரிசளிப்பு விழா நடந்தது. சேலம் மாவட்ட கைப்பந்து கழக ஆலோசகர் விஜயராஜ் தலைமை தாங்கி வெற்றி பெற்றவர்களுக்கு பரிசு மற்றும் கோப்பை வழங்கினார். கைப்பந்து கழக செயலாளர் சண்முகவேல், துணைத்தலைவர் ராஜாராம், இணைச்செயலாளர் சீனிவாசன், ராஜன் ஸ்போர்ட்ஸ் கிளப் தலைவர் ராஜன், துணைத்தலைவர் சித்ராமணியன், பயிற்சியாளர் பரமசிவம் உள்பட பலர் கலந்து கொண்டனர்.