பள்ளி மாணவர்களுக்கு ஓவியம், கையெழுத்து போட்டி

பள்ளி மாணவர்களுக்கு ஓவியம் மற்றும் கையெழுத்து போட்டி ஜே.சி.ஐ. சேலம் ஸ்டீல் சிட்டி சார்பில் சின்னதிருப்பதி ஜெயராம் கல்லூரியில் நடந்தது. விழாவில் விநாயகா மிஷன்ஸ் ஸ்கூல் ஆப் அலைடு ஹெல்த் சயின்ஸ் துறையின் டீன் செந்தில்குமார் சிறப்பு விருந்தினராக கலந்து கொண்டு பேசினார். ஜே.சி.ஐ. இந்தியா தேசிய இயக்குனர் நர்மதா ஜோஷி, சேலம் தலைவர் கவுதம் உள்பட பலர் கலந்து கொண்டனர். போட்டிகள் 4 பிரிவுகளாக நடத்தப்பட்டு முதல் பரிசாக சைக்கிள், 2-ம் பரிசாக டேப், 3-ம் பரிசாக ஸ்மார்ட் வாட்ச், 4-வது பரிசாக ப்ளூடூத் ஸ்பீக்கர் மற்றும் 5-வது பரிசாக இன்டஷன் ஸ்டவ், கோப்பை மற்றும் பதக்கங்கள் வழங்கப்பட்டன. போட்டிகளில் கலந்து கொண்ட அனைவருக்கும் சான்றிதழ் வழங்கப்பட்டது. ஏற்பாடுகளை திட்ட தலைவர் சதீஷ், திட்ட ஒருங்கிணைப்பாளர் பிரேம்குமார் பொகாடியா, பொகாடியா, யஷ் ஜெயின், சதீஷ்குமார், ஸ்ரேயாஸ் ஜெயின் ஆகியோர் செய்திருந்தனர்.