மாநில யோகா போட்டியில் வெற்றி பெற்ற மாணவர்கள்

டப்பாஸ் யோகா மையம், தமிழ்நாடு மற்றும் இந்திய யோகா சங்கம் சார்பில் மாநில அளவில் மாணவ, மாணவிகளுக்கான யோகா போட்டி கோவையில் நடைபெற்றது. இதில் சேலம் விநாயகா மிஷனின் விம்ஸ் மருத்துவமனை வளாகத்தில் உள்ள அலைடு ஹெல்த் சயின்ஸ் துறை மாணவர்கள் கலந்து கொண்டனர். இதில் பொது சுகாதார பிரிவு மாணவி ரேணுகாதேவி சிறப்பு மற்றும் தனி பிரிவில் முதல் இடம் பெற்றார். மாணவர்கள் பிரிவில் பொது மற்றும் தனி பிரிவில் சண்முகசுந்தரம் 2-ம் இடமும், இளங்கலை பிரிவு மாணவர் நஜீப் 3-ம் இடமும் பெற்றனர். ஆசிரியர்களுக்கான போட்டியில் உடற்பயிற்சி இயக்குனர் ஜெயபாரதி முதல் இடம் பெற்று சிறந்த யோகா ஆசிரியருக்கான விருதை பெற்றார். இதையடுத்து யோகா போட்டியில் வெற்றி பெற்றவர்களை, துறை டீன் செந்தில்குமார் பாராட்டி வாழ்த்து தெரிவித்தார்.