போதை ஒழிப்பு குறித்த விழிப்புணர்வு ஊர்வலம் நடைபெற்றது

தமிழ்நாடு தவ்ஹீத் ஜமாத் அமைப்பின் பெரம்பலூர் மாவட் டம், புது ஆத்தூர் கிளை சார்பில் போதை ஒழிப்பு குறித்து விழிப்புணர்வு ஊர்வலம் நேற்று மாலை நடந்தது. புது ஆத்தூர் தவ்ஹீத் பள்ளிவாசலில் தொடங்கிய இந்த ஊர்வலம் துறையூர் பிரதான சாலை வழியாக சென்று பள்ளிவாசல் தெருவில் நிறைவடைந்தது. ஊர்வலத்தில் கலந்து கொண்ட அந்த அமைப்பினர் மற்றும் முஸ்லிம்கள் போதை பொருட்களுக்கு எதிராக விழிப்புணர்வு வாசகங்கள் அடங்கிய பதாகைகளை கையில் ஏந்தியவாறும், கோஷங்களை எழுப்பியவாறும் பொதுமக்களிடையே விழிப்புணர்வு ஏற்படுத்தினர். மேலும் பொதுமக்களுக்கு விழிப்புணர்வு துண்டு பிரசுரங்கள் வழங் கப்பட்டது. இதில் தவ்ஹீத் ஜமாத் அமைப்பின் பெரம்பலூர் மாவட்ட தலைவர் அஷ்ரப் அலி, பொருளாளர் சிராஜ்தீன் மற்றும் தமீம்யாசிர் ஆகியோர் போதை ஒழிப்பு தொடர்பாக விழிப்புணர்வு ஏற்படுத்தி பேசினர்.