குடியிருப்பு பகுதியில் சாயக்கழிவு நீர் கலந்ததால் பரபரப்பு

நாமக்கல் மாவட்டம் பள்ளிபாளையம் நகராட்சிக்குட்பட்ட 12 வது வார்டு பகுதியில் கடந்த சில தினங்களுக்கு முன்பாக கிணற்று நீர் சிவப்பு ரோஸ் கலரில் நிறம் மாறி காணப்பட்ட நிலையில், இதுகுறித்து தகவல் அறிந்த குமாரபாளையம் மாசு கட்டுப்பாட்டு வாரிய அதிகாரிகள் நகராட்சி அதிகாரிகள் உள்ளிட்டோர் நீர் மாதிரியை சேகரித்து சென்று விசாரணை மேற்கொண்டு வரும் நிலையில், தற்போது பள்ளிபாளையம் ஆர் எஸ் ரோடு சாலையில் வர்த்தக வணிக நிறுவனங்கள், மற்றும் நூற்றுக்கும் மேற்பட்ட வீடுகளில் போர்வெல் குடிநீர் முழுவதுமாக சிவப்பு நிறத்தில் வெளியேறுவது பொதுமக்களை அதிர்ச்சியில் ஆழ்த்தியுள்ளது. மேலும் ஆர் எஸ் ரோடு தேவாங்கபுரம் சுற்று வட்டார பகுதியை சுற்றிலும் இரண்டு கிலோமீட்டர் தூரத்திற்கு எந்தவித சாயப்பட்டறையும் செயல்படாத நிலையில், பொதுமக்கள் முழுமையாக பயன்படுத்தும் குடிநீர் சாயம் கலந்து சிவப்பு நிறத்தில் வெளியேறுவது அதிர்ச்சியை ஏற்படுத்துள்ளது..