மதர் தெரசா லயன்ஸ் சங்கம் சார்பில் முப்பெரும் விழா

திண்டுக்கல் மதர் தெரசா லயன்ஸ் சங்கம் சார்பில் ஆசிரியர் தின விழா நல் ஆசிரியர் விருது பெற்ற சான்றோர்களுக்கு மற்றும் பணி நிறைவு பெறும் ஆசிரியர்களுக்கு பாராட்டு விழா என முப்பெரும் விழா தலைமை தபால் நிலையம் அருகே உள்ள பிச்சாண்டி அரங்கத்தில் நடைபெற்றது. மதர் தெரசா லயன்ஸ் சங்க தலைவர் சைலேந்திரராய் தலைமை வகித்தார். திண்டுக்கல் இலக்கிய களம் தலைவர் பேராசிரியர் மனோகரன், மண்டல தலைவர் குமார், வட்டாரத் தலைவர் முனியாண்டி, மாவட்ட தலைவர் சாமி முன்னிலை வகித்தனர். தாசில்தார்கள் சுகந்தி, சந்தன மேரி கீதா கலந்து கொண்டு வாழ்த்துரை வழங்கினர். சிறப்பு விருந்தினராக கலந்து கொண்ட திண்டுக்கல் மாநகராட்சி மேயர் இளமதி ஜோதி பிரகாஷ் 14 ஆசிரியர்களுக்கு பொன்னாடை அணிவித்து சிறப்பு பரிசு வழங்கி பாராட்டினார். மேலும் இந்நிகழ்வில் செயலாளர் கஷ்மீர் அருண், பொருளாளர் மணி பாண்டி உள்ளிட்ட லயன்ஸ் உறுப்பினர்கள் ஏராளமானோர் கலந்து கொண்டனர்.