திருப்பூரில் பட்ட பகலில் இருசக்கர வாகனத்தை திருடி செல்லும் காட்சி வீடியோ வைரல்!

பட்டப் பகலில் சொந்த வண்டி போல இருசக்கர வாகனத்தை திருடி சென்ற நபர் சிசிடிவி காட்சிகள் வெளியாகி வைரலாக பரவி வருகிறது. திருப்பூர் கே வி ஆர் நகர் பகுதியைச் சேர்ந்தவர் ரங்கசாமி 84 வயதானவர் அதே பகுதியில் ஈஸ்வரமூர்த்தி லேஅவுட் சாலையில் மரக்கடை வைத்து நடத்தி வருகிறார். இவர் நேற்று மதியம் தனது இருசக்கர வாகனத்தை மரக்கடைக்கு எதிரே நிறுத்திவிட்டு உள்ளே சென்றுள்ளார் சிறிது நேரம் கழித்து திரும்பி வந்து பார்த்தபோது தனது வாகனத்தை காணாமல் அதிர்ச்சி அடைந்தார். அக்கம் பக்கம் தேடி பார்த்தும் கிடைக்காத நிலையில் அந்த பகுதியில் பொருத்தப்பட்டிருந்த சிசிடிவி கேமராவில் பதிவான காட்சிகளை பார்த்தபோது இளைஞர் ஒருவர் நடந்து வருவதும் நேராக வந்து தனது வாகனத்தை நிறுத்தி இருந்ததைப் போல அதில் ஏறி அமர்ந்து சாவியை வைத்து இருசக்கர வாகனத்தை திருடி சென்றது தெரியவந்தது. இதுகுறித்து ரங்கசாமி கொடுத்த புகாரின் பேரில் திருப்பூர் மத்திய காவல் நிலைய போலீசார் வழக்கு பதிவு செய்து விசாரணை மேற்கொண்டு வருகின்றனர்.  பட்டப் பகலில் ஜன நெருக்கடி மிகுந்த பகுதியில் இருசக்கர வாகனத்தை திருடி சென்ற நபர் குறித்த சிசிடிவி காட்சிகள் வெளியாகி வைரலாக பரவி வருகிறது.