பஞ்சர் கடை அருகே நடந்து சென்றவர் மீது டூவீலர் மோதி விபத்து. ஒருவர் படுகாயம்.

பஞ்சர் கடை அருகே நடந்து சென்றவர் மீது டூவீலர் மோதி விபத்து. ஒருவர் படுகாயம். கரூர் மாவட்டம், கிருஷ்ணராயபுரம் தாலுக்கா, மேல அக்ரஹாரம் பகுதியைச் சேர்ந்தவர் வடிவேல் மகன் கல்யாணகுமார் வயது 54. இவர் அக்டோபர் 30ஆம் தேதி இரவு 9.30 மணி அளவில் கரூர்- திருச்சி சாலையில், கிருஷ்ணராயபுரம், கார் ஸ்டாண்ட், பஞ்சர் கடை அருகே நடந்து சென்று கொண்டிருந்தார். அப்போது, திருச்சி மாவட்டம், தொட்டியம், சீல பிள்ளையார் புதூர் பகுதியைச் சேர்ந்த வீரமலை மகன் கந்தசாமி என்பவர் வேகமாக ஓட்டி வந்த டூவீலர்,நடந்து சென்ற கல்யாணகுமார் மீது மோதி விபத்து ஏற்பட்டது. இதில் நிலை தடுமாறி கீழே விழுந்த அவருக்கு தலையில் பலத்த காயங்கள் ஏற்பட்டதால் உடனடியாக அவரை மீட்டு தனியார் ஆம்புலன்ஸ் மூலம் திருச்சி அரசு மருத்துவமனையில் சிகிச்சைக்காக அனுமதித்தனர். சம்பவம் அறிந்த கல்யாண குமாரின் மனைவி சாந்தி வயது 52 என்பவர் அளித்த புகாரின் பேரில், சம்பவ இடத்திற்கு சென்று விசாரணை மேற்கொண்ட காவல்துறையினர், டூவீலரை வேகமாகவும், அஜாக்கிரதையாகவும் ஓட்டி, விபத்து ஏற்படுத்திய கந்தசாமி மீது வழக்கு பதிவு செய்துள்ளனர் மாயனூர் காவல்துறையினர்.