கையுந்து போட்டியில் மாவட்ட அளவில் மலர் மெட்ரிக் மேல்நிலை பள்ளி மாணவிகள் இரண்டாம் இடம். தாளாளர் வாழ்த்து.

கையுந்து போட்டியில் மாவட்ட அளவில் மலர் மெட்ரிக் மேல்நிலை பள்ளி மாணவிகள் இரண்டாம் இடம். தாளாளர் வாழ்த்து. கரூர் மாவட்டம், தான்தோன்றி மலை பகுதியில் மலர் மெட்ரிக் மேல்நிலைப்பள்ளி செயல்பட்டு வருகிறது. தமிழக பள்ளிக்கல்வித்துறை சார்பாக அண்மையில் நடைபெற்ற கையுந்து போட்டியில் இப்பள்ளியை சேர்ந்த மாணவிகள் பங்கேற்றனர். போட்டியில் முனைப்புடன் விளையாடி பள்ளி மாணவிகள் மாவட்ட அளவில் இரண்டாம் இடம் பிடித்தனர். இரண்டாம் இடம் பிடித்த மாணவிகளுக்கு, பள்ளியின் சார்பில் இன்று பள்ளியின் முதல்வர் ஜெயசித்ரா தலைமையில் பாராட்டு விழா நடைபெற்றது. பள்ளியின் தாளாளர் பேங்க் சுப்பிரமணியன் மாணவிகளுக்கு சான்றிதழ் வழங்கி பாராட்டினார். இந்த நிகழ்ச்சியில் உடற்கல்வி ஆசிரியர் சக்திவேல், வளர்மதி, தமிழ் ஆசிரியர் அழகம்மாள் ஆகியோர் கலந்து கொண்டு மாணவிகளுக்கு பாராட்டு தெரிவித்தனர்.