கோவில்பட்டி அருகே கார் மோதி விவசாயி பலி!

தூத்துக்குடி மாவட்டம் கோவில்பட்டி அருகே உள்ள கான்சாபுரம் கிராமத்தைச் சேர்ந்தவர் மாரியப்பன் மகன் அருணகிரி (47). விவசாயி, இவர் கோவில்பட்டி எட்டையாபுரம் ரோடு விஜயாபுரி பஸ் ஸ்டாப் அருகே நடந்து சென்று கொண்டிருந்த போது அடையாளம் தெரியாத கார் இவர் மீது மோதி விட்டு நிற்காமல் சென்று விட்டது. இதில் பலத்த காயம் அடைந்த அவரை கோவில்பட்டி அரசு மருத்துவமனைக்கு கொண்டு சென்றனர். அங்கு சிகிச்சை பலனளிக்காமல் பரிதாபமாக இறந்தார். இந்த சம்பவம் குறித்து கோவில்பட்டி மேற்கு காவல் நிலையை இன்ஸ்பெக்டர் ஜின்னா பீர்முகமது வழக்குப் பதிந்து விசாரணை நடத்தி வருகிறார்.