க. பரமத்தி பிரிவு- கார் மீது டூ வீலர் நேருக்கு நேர் மோதி விபத்து. முதியவர் படுகாயம்.

க. பரமத்தி பிரிவு- கார் மீது டூ வீலர் நேருக்கு நேர் மோதி விபத்து. முதியவர் படுகாயம். கரூர் மாவட்டம், மன்மங்கலம் தாலுக்கா, அப்பி பாளையம் அருகே உள்ள கருப்பம்பாளையம் பகுதியைச் சேர்ந்தவர் சுப்பிரமணி மகன் மோகன்ராம் வயது 28. இவர் நவம்பர் 17ஆம் தேதி காலை 11 மணியளவில், கரூர் - ஈரோடு செல்லும் சாலையில் அவரது காரில் சென்று கொண்டு இருந்தார். இவரது கார் க.பரமத்தி பிரிவு, நொய்யல் குறுக்கு சாலை அருகே சென்ற போது,எதிர் திசையில் கரூர் மாவட்டம், புகலூர் தாலுகா, குப்பம் அருகே உள்ள சக்கர பாளையம் பகுதியைச் சேர்ந்த வேலுச்சாமி வயது 76 என்பவர் வேகமாக ஓட்டி வந்த டூ வீலர் மோகன்ராம் ஓட்டி சென்ற கார் மீது நேருக்கு நேர் மோதி விபத்து ஏற்பட்டது. இந்த விபத்தில் வேலுச்சாமி டூவீலருடன் கீழே விழுந்ததில் அவருக்கு தலை மற்றும் இடது காலில் பலத்த காயங்கள் ஏற்பட்டதால் உடனடியாக அவரை மீட்டு தனியார் ஆம்புலன்ஸ் மூலம் கோவையில் உள்ள கங்கா மருத்துவமனையில் சிகிச்சைக்காக அனுமதித்தனர். இந்த சம்பவம் தொடர்பாக மோகன்ராம் அளித்த புகாரின் பேரில் சம்பவ இடத்துக்கு சென்று விசாரணை மேற்கொண்ட காவல்துறையினர் டூவீலரை வேகமாகவும், அஜாக்கிரதையாகவும் ஓட்டி விபத்து ஏற்படுத்திய வேலுச்சாமி மீது வழக்கு பதிவு செய்துள்ளனர் வேலாயுதம்பாளையம் காவல்துறையினர்.