முடக்கு சாலை அருகே டூவீலர்கள் மோதல். ஒருவர் படுகாயம்.

முடக்கு சாலை அருகே டூவீலர்கள் மோதல். ஒருவர் படுகாயம். கரூர் மாவட்டம், வெங்கமேடு, வெண்ணமலை விஷ்ணு கார்டன் பகுதியை சேர்ந்தவர் கோபி வயது 40. இவர் நவம்பர் 17ஆம் தேதி காலை 10:45 மணி அளவில் கரூரிலிருந்து திருச்சி செல்லும் சாலையில் அவரது டூவீலரில் சென்று கொண்டிருந்தார். இவரது வாகனம் புலியூர் முடக்கு சாலை அருகே சென்றபோது, அதே சாலையில், கரூர் மாவட்டம், கிருஷ்ணராயபுரம் தாலுக்கா, வேங்கம்பட்டி பகுதியைச் சேர்ந்த சுரேஷ் வயது 34 என்பவர் வேகமாக ஓட்டி வந்த மற்றொரு டூவீலர், கோபி ஓட்டிச் சென்ற டூவீலரின் பின்னால் மோதி விபத்து ஏற்பட்டது. இதனால் நிலை தடுமாறி வாகனத்துடன் கீழே விழுந்த கோபிக்கு இடது கை முட்டி, வலது கால் பகுதியில் பலத்த காயம் ஏற்பட்டது. உடனடியாக அவரை மீட்டு தனியர் ஆம்புலன்ஸ் மூலம் கரூர் அரசு மருத்துவக் கல்லூரி மருத்துவமனையில் சிகிச்சைக்காக அனுமதித்தனர். இந்த சம்பவம் தொடர்பாக கோபி அளித்த புகாரில், சம்பவ இடத்திற்கு சென்று விசாரணை மேற்கொண்ட காவல்துறையினர், டூவீலரை வேகமாகவும், அஜாக்கிரதையாகஙும் ஓட்டி, விபத்து ஏற்படுத்திய சுரேஷ் மீது வழக்கு பதிவு செய்துள்ளனர் பசுபதிபாளையம் காவல்துறையினர்.