கரூரில் தனியாக மருந்துக் கடையில் இருந்த பெண்ணின் செயினை பறிக்க முயற்சி - பெண்ணின் சாமார்த்தியத்தால் நகை தப்பியது - சமூக ஊடகங்களில் பகிரப்படும் வீடியோவால் பரபரப்பு.

கரூரில் தனியாக மருந்துக் கடையில் இருந்த பெண்ணின் செயினை பறிக்க முயற்சி - பெண்ணின் சாமார்த்தியத்தால் நகை தப்பியது - சமூக ஊடகங்களில் பகிரப்படும் வீடியோவால் பரபரப்பு. கரூர் - திருச்சி சாலையில் காந்திகிராமத்தில் தனியார் மருந்துக் கடை செயல்பட்டு வருகிறது. இரவு 10 மணிக்கு மேல் ஆள் நடமாட்டம் இல்லாததை கடந்த சில நாட்களாக நோட்டமிட்ட இளைஞர் ஒருவர், நேற்று இரவு மருந்துக் கடைக்கு மருந்து வாங்குவது போல் சென்றுள்ளார். இளைஞர் கேட்ட மருந்தை அந்தக் கடையில் இருந்த பெண் எடுத்து வந்த போது, காத்திருந்த அந்த இளைஞர் அப்பெண்ணின் கழுத்தில் இருந்த தங்கச் செயினை பறிக்க முற்பட்டுள்ளார். அப்போது, அந்த பெண்மணி நிலை தடுமாறி கீழே விழுந்ததால் தங்கச் செயின் தப்பியது. அப்போது, செயினை பறிக்க முயன்ற இளைஞர் தப்பியோடி விட்டான். இது தொடர்பாக தாந்தோன்றிமலை காவல் நிலையத்திற்கு தகவல் தெரிவிக்கப்பட்டுள்ள நிலையில், இதன் சி.சி.டி.வி காட்சிகள் தற்போது சமூக ஊடகங்களில் பகிரப்பட்டு வருவதால் கரூரில் பரபரப்பு ஏற்பட்டுள்ளது.