சொட்டையூர்- மகளுடன் டூவீலரில் சென்றபோது கட்டுப்பாட்டை இழந்து கீழே விழுந்து விபத்து.

சொட்டையூர்- மகளுடன் டூவீலரில் சென்றபோது கட்டுப்பாட்டை இழந்து கீழே விழுந்து விபத்து. கரூர் மாவட்டம், புகலூர் தாலுகா, மூலிமங்கலம் அருகே நாட்டுக்கல் 3-வது தெருவை சேர்ந்தவர் சுப்பிரமணியன் வயது 69. இவர் டிசம்பர் 8-ம் தேதி மாலை 4 மணியளவில், தனது மகள் ராகவி வயது 27 என்பவருடன் அவரது எலக்ட்ரிக் டூவீலரில் மூலிமங்கலத்தில் இருந்து வேலாயுதம்பாளையம் செல்லும் சாலையில் சென்று கொண்டிருந்தார். இவரது வாகனம் சொட்டையூர் அருகே செல்லும்போது, வாகனத்தை வேகமாக இயக்கியதால், வாகனம் கட்டுப்பாட்டை இழந்து கீழே விழுந்து விபத்து ஏற்பட்டது. இதில் டூவீலரில் பின்னால் அமர்ந்து வந்த ராகவிக்கு வலது காலில் பலத்த காயம் ஏற்பட்டதால், உடனடியாக அவரை மீட்டு கரூர் ராஜ் ஆர்த்தோ மருத்துவமனையில் சிகிச்சைக்காக அனுமதிக்கப்பட்டார். சம்பவம் குறித்து ராகவி அளித்த புகாரின் பேரில், சம்பவ இடத்துக்கு சென்று விசாரணை மேற்கொண்ட காவல் துறையினர் டூவீலரை வேகமாகவும், அஜாக்கிரதையாகவும் ஓட்டி விபத்து ஏற்படுத்திய பாலசுப்பிரமணியன் மீது வழக்கு பதிவு செய்துள்ளனர் வேலாயுதம்பாளையம் காவல்துறையினர்.