முதல்வர் விழா

ஈரோட்டில் வெள்ளிக்கிழமை நடைபெற்ற அரசு விழாவில் அவர் கூறியதாவது: சாத்தனூர் அணையில் இருந்து அரசு முன் அறிவிப்பு இல்லாமல் தண்ணீர் திறந்துவிட்டதாக இபிஎஸ் தொடர்ந்து பொய்களை கூறி வருகிறார். தண்ணீர் திறப்பு குறித்து அரசு 5 முறை எச்சரித்ததால் உயிர் சேதம் தவிர்க்கப்பட்டது. அ.தி.மு.க., ஆட்சியில் இருந்தபோது, ​​செம்பரம்பாக்கத்தில் இருந்து பொதுமக்களுக்கு முன் தகவல் இல்லாமல் தண்ணீர் விடப்பட்டது. அப்போது எந்த அமைச்சரும் வெள்ளத்தால் பாதிக்கப்பட்ட மக்களுக்கு உதவ முன்வரவில்லை. அவர்களுக்கு தன்னார்வலர்கள் மட்டுமே உதவினார்கள். அ.தி.மு.க ஆட்சியின் தவறால் சென்னையில் 23 லட்சத்துக்கும் மேற்பட்ட வீடுகள் நீரில் மூழ்கி 200க்கும் மேற்பட்டோர் இறந்தனர். ஆனால், ஃபெஞ்சல் புயலில், அரசு மிகவும் உஷாராக இருந்தது. நானே புயல் நிவாரண மையங்களுக்குச் சென்று தினமும் நிலைமையைக் கண்காணித்தேன். அதனால், இழப்பு மிகவும் குறைவாக இருந்தது. வெள்ள நிவாரண நடவடிக்கையாக விழுப்புரம் மற்றும் கடலூர் மாவட்டங்களுக்கு சென்று மக்களுக்கு உதவினேன். ஆனால், அரசு மக்களுக்கு எதுவும் செய்யவில்லை என்று இபிஎஸ் பொய் குற்றச்சாட்டுகளை முன்வைத்தார். சட்டமன்றத்தில், இபிஎஸ் டங்ஸ்டன் சுரங்கப் பிரச்சினையில் தனது குரலை உயர்த்தினார், ஆனால் ஏற்கனவே இந்த திட்டத்தை அரசாங்கம் கடுமையாக எதிர்த்தது. ''நான் முதல்வராக இருக்கும் வரை திட்டம் வராது'' என சட்டசபையில் தெளிவாக கூறிவிட்டேன். ஆனால் இபிஎஸ் அந்த விஷயத்திலும் தொடர்ந்து பொய் பேசி வருகிறார். எனக்கு எதிராக உறத்த குறளில் பொய் குற்றச்சாட்டுகளை கூறும் எடப்பாடி பழனிச்சாமி கீச்சு குரலில் ஆவது மத்திய அரசை கண்டித்ததுண்டா வெற்று குடம் தான் அதிக சத்தம் போடும் அது போன்றது தான் எடப்பாடி பழனிச்சாமி பேச்சு அவர் வகிக்கும் பதவிக்கு இது நல்லதல்ல. சட்டசபை விவாதத்திற்கு பின், பார்லிமென்டில், சுரங்கத்தை ஏலம் விடுவதற்கான மசோதாவுக்கு, அ.தி.மு.க., ஆதரவு அளித்தது தெரிய வந்ததுஎதிர்கட்சி ஆக்கபூர்வமான முறையில் செயல்பட வேண்டும். ஆனால் இங்கு அவர் அரசின் பல நல்ல திட்டங்களையும், செயல்பாடுகளையும் ஜீரணிக்கவில்லை. நல்லாட்சியால் தான் மக்கள் திமுகவுக்கு தொடர் வெற்றியை அளித்தனர். ''எங்களுக்கு மேலும் மேலும் வெற்றியைத் தருகிறீர்கள். நாங்கள் உங்களுக்கு மேலும் மேலும் திட்டங்களை வழங்குகிறோம். என்னை நம்புங்கள், நான் எப்போதும் மக்களுக்காக உண்மையாக வேலை செய்வேன்,'' என்று உறுதியுடன் கூறினார்.முதல்வரின் வருகையால் ஈரோடு மாவட்டத்திற்கு ரூ.1369 கோடி மதிப்பிலான திட்டங்கள் முதல்வர் மு.க.ஸ்டாலின் ரூ.951.20 கோடி மதிப்பிலான 559 நிறைவடைந்த பணிகளை திறந்து வைத்தார். ரூ.133.66 கோடி மதிப்பீட்டில் 222 புதிய பணிகளுக்கு அடிக்கல் நாட்டி, 50088 பேருக்கு ரூ.284. 02 கோடி மதிப்பிலான அரசு சலுகைகள் என மொத்தம் ரூ.1368.88 கோடி மதிப்பிலான அரசு சலுகைகளை ஈரோடு அருகே உள்ள சோலாரில் வெள்ளிக்கிழமை நடைபெற்ற அரசு நிகழ்ச்சியில் வழங்கினார். வீட்டு வசதித்துறை அமைச்சர் முத்துசாமி தலைமை வகித்தார். அமைச்சர்கள் கே.என்.நேரு, அன்பில் மகேஷ் பொய்யாமொழி, எம்.பி.சாமிநாதன், மதிவேந்தன், கயல்விழி செல்வராஜ், கலெக்டர் ராஜகோபால் சுங்கரா, எம்.பி.க்கள் கே.இ.பிரகாஷ், அந்தியூர் செல்வராஜ், சுப்பராயன், எம்.எல்.ஏ.க்கள் டாக்டர்.சி.சரஸ்வதி, ஏ.ஜி.வெங்கடாசலம், மேயர் நாகரத்தினம் சுப்ரமணியம் உள்பட பலர் கலந்து கொண்டனர். முதல்வர் பேச்சு விபரம் அண்ணாவையும், கலைஞரையும் நமக்கு பெரியார் வழங்கினார். அவர் பிறந்த மண் இதுஅவர்கள் இல்லாமல் திராவிட மாடல் ஆட்சி இல்லை சில நாட்களுக்கு முன் பெரியார் தலைமையிலான வைக்கம் இயக்கத்தின் நூற்றாண்டு நிறைவு விழா கொண்டாடப்பட்டது.திராவிட மாதிரி ஆட்சியின் சாதனையைக் கண்டு கேரள மக்கள் வியந்தனர். ஆனால், பெரியாரின் பேரனான ஈவிகேஎஸ் இளங்கோவனின் மறைவு எனக்கு வருத்தம் அளிக்கிறது. அவரது மறைவு தமிழகத்திற்கு பெரும் இழப்பு என்றார்.கடந்த 3 ஆண்டுகளாக திமுக ஆட்சியில் தொடங்கப்பட்ட பல்வேறு திட்டங்களை பட்டியலிட்ட அவர், கீழ்க்கண்ட புதிய திட்டங்களை அறிவித்தார். சத்தி, ஆந்தியூர் தொகுதிகளில் ரூ.100 கோடியில் சாலைகள் அமைத்தல், ஈரோடு தீயணைப்பு நிலைய கட்டிடம் ரூ.8. 3 கோடி, எஸ்பி அலுவலகம் ரூ18 கோடி கட்டுதல், கொடுமணல் தொல்லியல் அருங்காட்சியகம், குரங்கன்பள்ளம் ஓடை சீரமைப்பு ரூ 15 கோடி, நூலகம், உட்புறம் அரங்கம், ஈரோடு சிஎன் கல்லூரியில் ஐஏஎஸ் அகாடமி ரூ.10.20 கோடி, 15 ஆரம்ப சுகாதார நிலையம் கட்ட ரூ.6.75 கோடி, பவானி, கொடுமுடி கோயில்களுக்கு புதிய வசதிகள் ரூ.10கோடி, கத்திரிமலை மின் திட்டம் ரூ.2.50 கோடி, சத்தி-நம்பியூர் ரூ.27 கோடி, சத்தி-சித்தோடு-நசியனூர் குடிநீர் திட்டங்கள் ரூ.18 கோடி. மாவட்டத்தில் மகளிர் உரிமை தோகை, தமிழ்ப் புதல்வன், புதுமைப் பெண் மற்றும் காலை உணவுத் திட்டங்கள் போன்றவற்றின் கீழ் பெண்கள் மற்றும் மாணவர்கள் பெற்றுள்ள பலன்களை அவர் எடுத்துரைத்தார். ஈரோடு மாவட்டத்தில் கடந்த மூன்று ஆண்டுகளில் வழங்கப்பட்ட பட்டாக்கள் குறித்த விபரங்கள் மற்றும் அத்திக்கடவு அவிநாசி திட்டம் சென்னிமலை கூட்டு குடிநீர் திட்டம் பல்வேறு வளர்ச்சி பணிகளை அவர் சுட்டிக் காட்டினார் கடந்த ஆட்சியில் திட்டங்களை அறிவிக்கப்படும் ஆனால் செயல்பட்டுக்கு வராது ஆனால் சொல்வதை செய்வோம் செய்வதை சொல்வோம் என்ற திராவிட மாடல் ஆட்சியில் அறிவிக்கப்பட்ட அனைத்து திட்டங்களும் முழுமையாக நிறைவேற்றப்படும் ஈரோடு மாவட்டத்தில் என்னென்ன தேவை என்று செய்தி இன்று சில பத்திரிகைகளில் வந்துள்ளது அச்செய்தியையும் மாவட்ட ஆட்சியர் இடம் கொடுத்து பரிசளித்து நடவடிக்கை எடுக்க கேட்டுக் கொண்டுள்ளேன் இவ்வாறு அவர் பேசினார்