மழையோடு மகிழ்வூட்டும் மலர்காட்சி ஊட்டியில் வண்ணக்காவியமாக மனதில் பதிந்த மலர்கள்

மழையோடு மகிழ்வூட்டும் மலர்காட்சி ஊட்டியில் வண்ணக்காவியமாக மனதில் பதிந்த மலர்கள்! நீலகிரி மாவட்டத்தின் மனமகிழ்ச்சி தரும் இயற்கைப் பொக்கிஷமான ஊட்டி மலர் தோட்டத்தில், ஆண்டுதோறும் நடைபெறும் உலகப் புகழ் பெற்ற மலர் கண்காட்சி, இவ்வாண்டும் வண்ணமயமான மலர்களின் கண்ணை கவரும் காட்சிகளுடன், பார்வையாளர்களை வெகுவாக ஈர்த்து வருகிறது. இந்தியாவின் பல்வேறு மாநிலங்களைச் சேர்ந்த அரிய வகை மலர்கள் இங்கு ஒரே இடத்தில் காணப்படுகின்றன. முக்கியமாக: • ஆர்கிட்ஸ், டாலியா, ஹைபிஸ்கஸ், ஜெரானியம், சிபோடியும், ஆஸ்டரா, அனெமோனே போன்ற மலர்கள் பார்வையாளர்களை ஆச்சரியத்தில் ஆழ்த்துகின்றன. • பிரிட்டிஷ் கால நெறிப்படியே வடிவமைக்கப்பட்ட தோட்ட பாதைகள், வண்ண ரேகைகளாக மலர்கள் பதிக்கப்பட்டுள்ளன. • மலர்களால் உருவாக்கப்பட்ட சிற்பங்கள் – சிறந்த கலை நயம் கொண்டவை. • மழை: சவாலும், அழகும்! கடந்த சில நாட்களாகக் மழை ஊட்டி மற்றும் அதனைச் சூழ்ந்த பகுதிகளில் இடையிடையே பெய்து வருகின்றது. இது ஒரு பக்கம் பசுமை மற்றும் மலர்ச்சியின் நன்கு வளர்ச்சிக்கு ஆதரமாக இருந்தாலும், மற்றொரு பக்கம் பார்வையாளர்களுக்கு சற்று சிரமங்களை ஏற்படுத்தியுள்ளது. சில பாதைகள் வழுக்கல் நிலையாக மாறியுள்ளன. தாழ்வான பகுதிகளில்மற்றும் புல்வெளிகள் தண்ணீர் தேங்கல் காரணமாக சேறும் சகதியுமாக மாறி உள்ளது • அதற்கிடையே, குளிர்ந்த காற்று, மழை என மலர்கண்காட்சியை இன்னும் ரொமாண்டிக்காக மாற்றி விட்டது “மழை வருவது்சற்று சிரமமா இருந்தாலும், இவ்வளவு அழகான மலர்களை ஒரே இடத்தில் பார்ப்பதற்கான சந்தோஷம் அதைக் கடந்துவிடுகிறது,” என சென்னைலிருந்து வந்த ஒருவர் பகிர்ந்துகொண்டார். மழை ஆனா மலர்கள பாத்தாலே ரொம்ப சந்தோஷம்!” என வரும் சுற்றுலா பயணிகள் ஒருவர் தெரிவித்துள்ளார். மேலும், சிலர் “அழகான காட்சியோட சேர்ந்து மழையும் ஒரு வேற லெவல் அழகு தான்” என்று பாராட்டுகிறார்கள். “கண்ணுக்கு ஒரு விருந்தாக இருக்கிறது. மழையும் ஒரு சூடான காபி மாதிரி பக்கத்து துணையாக உள்ளது,” என வேறு ஒருவர் தெரிவித்துள்ளார். இவ்வாண்டு ஊட்டி மலர் கண்காட்சி, இயற்கையின் மகத்துவமும், மனித கைவண்ணமும் எவ்வாறு இணைந்து பார்வையாளர்களை மகிழ்விக்கலாம் என்பதை நிரூபிக்கும் வகையில் மாறியுள்ளது. மழை என்ற ஒரு இயற்கைச் சவாலும், மலர்களின் அழகும் இணைந்த இக்காட்சியால், ஊட்டியின் சுற்றுலாத் தாக்கம் மேலும் வலுப்பெறும் என எதிர்பார்க்கப்படுகிறது. மழையுடன் கூடிய இந்த ஊட்டி மலர் கண்காட்சி, இயற்கை அழகும் மனித கைவண்ணமும் எப்படி இணைந்து ஒரு பார்வை பண்டிகையை உருவாக்குகிறது என்பதற்கேற்ப ஒரு முன்னோடியான நிகழ்வாக அமைந்துள்ளது. மழை ஒரு சவால் எனினும், இது மலர்களின் நன்கு வளர்ச்சிக்கும் ஒரு வரப்பிரசாதம் என தோட்டப்பணியாளர்கள் தெரிவிக்கின்றனர்.