நவம்பர் 23 இல் நாமக்கல் கிழக்கு மாவட்ட கழக செயற்குழுக் கூட்டம் ! கே.ஆர்.என்.இராஜேஸ்குமார் எம்.பி அறிவிப்பு

நாமக்கல் கிழக்கு மாவட்ட செயலாளரும், மாநிலங்களவை உறுப்பினரும்,நாமக்கல் மாவட்ட மத்திய கூட்டுறவு வங்கி தலைவருமான கே.ஆர்.என்.இராஜேஸ்குமார் அறிக்கை ஒன்றை வெளியிட்டுள்ளார். அதில், நாமக்கல் கிழக்கு மாவட்ட கழக செயற்குழுக் கூட்டம் வருகின்ற 23.11.2024 சனிக்கிழமை காலை 10.00 மணிக்கு நாமக்கல் மோகனூர் சாலை, முல்லை நகரில் உள்ள நாமக்கல் கிழக்கு மாவட்ட அலுவலகமான கலைஞர் அறிவாலயம், இனமான பேராசிரியர் அரங்கத்தில் நடைபெற உள்ளது.மாவட்ட அவைத்தலைவர் சி.மணிமாறன் தலைமையில், தமிழ்நாடு ஆதிதிராவிடர் நலத்துறை அமைச்சர் டாக்டர்.மா.மதிவேந்தன், சேந்தமங்கலம் சட்டமன்ற உறுப்பினரும், மாவட்ட கழக துணை செயலாளருமான கே.பொன்னுசாமி, நாமக்கல் சட்டமன்ற உறுப்பினர் பெ.இராமலிங்கம் ஆகியோர் முன்னிலை வகிக்கின்றனர்.இக்கூட்டத்திற்கு முன்னாள் நாடாளுமன்ற, சட்டமன்ற உறுப்பினர்கள், தலைமைக் கழக நிர்வாகிகள், மாநில, மாவட்ட கழக நிர்வாகிகள், ஒன்றிய, நகர, பேரூர் கழக செயலாளர்கள், பொறுப்பாளர், சிறப்பு அழைப்பாளர்கள், அனைத்து சார்பு அணிகளின் மாவட்ட அமைப்பாளர்கள் மற்றும் தலைவர்கள், உள்ளாட்சி அமைப்புகளின் பிரதிநிதிகள் என அனைவரும் தவறாமல் கலந்து கொள்ளுமாறு கேட்டுக் கொள்கிறேன். கூட்டத்தில் வரும் 27.11.2024 அன்று தமிழ்நாடு துணை முதலமைச்சரும், கழக இளைஞர் அணி செயலாளரும், இளைஞர் நலன் மற்றும் விளையாட்டு மேம்பாட்டுத்துறை அமைச்சருமான உதயநிதி ஸ்டாலின் பிறந்த நாளினை சிறப்பாக கொண்டாடுவது குறித்தும், கழக ஆக்கப் பணிகள் குறித்தும் விவாதிக்கப்பட உள்ளது என அறிக்கையில் தெரிவித்துள்ளார்.