உடுமலை அருகே இருசக்கர வாகனம் மீது கார் மோதி விபத்து 3 பேர் பலி

திருப்பூர் மாவட்டம் உடுமலை அருகே பாலப்பம்பட்டி பகுதியில் இன்று பழனி நோக்கி அதிவேகத்தில் சென்ற சொகுசுகார் எதிர்பாராத விதமாக உடுமலை நோக்கி வந்த இரு சக்கர வாகனத்தில் வந்தவர்கள் மீதும் பஸ் ஸ்டாப்பில் பேருந்துக்காக காத்திருந்தவர்கள் இருவர் மீதும் கார் மோதியது. இதில் கார் தலை குப்புற கவிழ்ந்து விபத்துக்குள்ளானது இந்த விபத்தில் இருசக்கர வாகனத்தில் வந்த இரண்டு பேரும் பஸ் ஸ்டாப்பில் இருந்த இருவரும் படுகாயம் அடைந்தனர் . பஸ் ஸ்டாப்பில் இருந்த மோகன்ராஜ்(52) என்பவர் சம்பவ இடத்தில் உயிரிழந்தார் .அரசு மருத்துவமனையில் புதுக்கோட்டை மாவட்டத்தைச் சேர்ந்த ராஜகோபால்( 50) ரங்கசாமி(68) என்பவரும் சிகிச்சை பலனின்றி உயிரிழந்தனர். மேலும் காரை ஓட்டி வந்த கணவன் மனைவி மற்றும் குழந்தை தனியார் மருத்துவமனையில் சிகிச்சை பெற்று வருகின்றனர் .உடுமலை அருகே இருசக்கர வாகனம் மீது கார் மோதியதில் மூன்று பேர் பலியான சம்பவம் இப்பகுதியில் பெரும் சோகத்தை ஏற்படுத்தி உள்ளது