அத்திப்பாளையத்தில் பணம் வைத்து சூதாடிய 5 பேர் கைது.ரூ.2900-பறிமுதல். காவல்துறை நடவடிக்கை.

அத்திப்பாளையத்தில் பணம் வைத்து சூதாடிய 5 பேர் கைது.ரூ.2900-பறிமுதல். கரூர் மாவட்டம், க. பரமத்தி காவல் நிலைய எல்லைக்கு உட்பட்ட பகுதியில் பணம் வைத்து சூதாடுவதாக காவல் உதவி ஆய்வாளர் சந்திரசேகரனுக்கு தகவல்கள் கிடைத்தது. இந்த தகவலின் அடிப்படையில் நேற்று நவம்பர் ஒன்றாம் தேதி மாலை 4 மணி அளவில், அத்திப்பாளையம் கிராமத்தில் ரோந்து பணியில் ஈடுபட்டிருந்தார். அப்போது அருகில் உள்ள சரளைமேடு பகுதியில் உள்ள பழனியாண்டவர் கோவில் எதிரே பணம் வைத்து சூதாடுவது கண்டறியப்பட்டது. இந்த சூதாட்டத்தில் ஈடுபட்ட அப்பிபாளையம், இந்திரா நகரை சேர்ந்த மாணிக்கம், பொன்னாச்சி அம்மன் கோவில் தெருவை சேர்ந்த மனோகரன், இந்திரா நகரை சேர்ந்த ஜெயபாலன், பாலுசாமி, ஆசாரி பட்டறை பகுதியைச் சேர்ந்த ராஜேந்திரன் ஆகிய ஐந்து பேரையும் கைது செய்து, அவர்கள் சூதாட பயன்படுத்திய 52 சூதாட்ட அட்டைகளையும், ரூபாய் 2900-யும் பறிமுதல் செய்தனர். மேலும்,5- பேர் மீதும் வழக்கு பதிவு செய்த காவல்துறையினர், அவர்களை காவல் நிலைய பிணையில் பிடித்து நடவடிக்கை மேற்கொண்டனர் க.பரமத்தி காவல்துறையினர்.