10ம் வகுப்பு செய்முறை தேர்வு துவக்கம்

10ம் வகுப்புக்கான பொதுத்தேர்வு வருகிற மார்ச் மாதம் 26ம் தேதி துவங்கி, ஏப்ரல் மாதம் 8ம் தேதி நிறைவு பெற உள்ளது. இதையொட்டி, 10ம் வகுப்புக்கான செய்முறை தேர்வு இன்று(23ம் தேதி) துவங்கி, 29ம் தேதி வரை நடைபெற உள்ளது. இதில், ஈரோடு மாவட்டத்தில் 10ம் வகுப்பு அறிவியல் பாடத்திற்கான செய்முறை தேர்வு நடக்கும் அனைத்து பள்ளிகளிலும் பள்ளிக்கல்வித்துறை சார்பில் முன்னேற்பாடு பணிகள் செய்யப்பட்டுள்ளன.   இதில், அரசு உதவி பெறும் பள்ளிகளில் நடக்கும் செய்முறை தேர்வுகளை கண்காணிக்க அரசு பள்ளிகளில் உள்ள ஆசிரியை, ஆசிரியர்கள் நியமிக்கப்பட்டுள்ளனர்.