சேலத்தில் வாலிபரை தாக்கிய 4 பேர் கைது

சேலம் சின்னவீராணம் பகுதியை சேர்ந்தவர் கோபி (வயது 30). இவர் அதே பகுதியை சேர்ந்த அய்யனார் என்பவரிடம் மோட்டார் சைக்கிளை அடமானம் வைத்து ரூ.15 ஆயிரம் கடன் பெற்று உள்ளார். மேலும் மோட்டார் சைக்கிளின் ஆர்.சி. புத்தகத்தை ஒரு நிதி நிறுவனத்தில் கொடுத்து கடன் பெற்று உள்ளார். தவணை செலுத்தாததால், அய்யனாரிடம் இருந்த கோபியின் மோட்டார் சைக்கிளை நிதி நிறுவன ஊழியர்கள் பறிமுதல் செய்தனர். இதில் ஆத்திரம் அடைந்த அய்யனார் (29), அவருடைய நண்பர்கள் அசோக்குமார் (29), அஜித்குமார் (28), பழனிவேல் (39) ஆகிய 4 பேர் சேர்ந்து, கோபியை தாக்கினர். இதில் காயம் அடைந்த அவர் சேலம் அரசு ஆஸ்பத்திரியில் சிகிச்சை பெற்று வருகிறார். இது குறித்த புகாரின் பேரில் வீராணம் போலீசார் வழக்குப்பதிவு செய்து 4 பேரை கைது செய்தனர்.