புத்தக கண்காட்சி நடத்துவது குறித்து முன்னேற்பாடு கூட்டம்

திருவாரூர் மாவட்ட ஆட்சியர் அலுவலக கூட்டரங்கில் புத்தக கண்காட்சி விழா நடத்துவது தொடர்பான முன்னேற்பாடு கூட்டம் மாவட்ட ஆட்சியர் சாருஸ்ரீ தலைமையில் நடைபெற்றது . இது குறித்து மாவட்ட ஆட்சியர் தெரிவித்த பொழுது, புத்தக கண்காட்சியில் தினம் தோறும் குழந்தைகளுக்கான நிகழ்ச்சிகள் மாணவர்களுக்கு என தனியாக புத்தக பரிசு கூப்பன் வழங்குவது தொடர்பாகவும், மாணவர்களுக்கு பயன்படும் மின் நூல் மற்றும் பெரும்பான்மை பதிப்பாளர்களின் படைப்புகளைக் கொண்ட விற்பனையாக அமைப்பது குறித்தும் , நூல் விற்பனையகங்கள் ஒரு கருப்பொருள் அடிப்படையில் வரிசைப்படுத்தி அமையும் வகையில் அரங்கினை வடிவமைப்பது குறித்தும், நடவடிக்கைகள் மேற்கொள்ளப்பட உள்ளதாக ஆட்சியர் தெரிவித்தார். இந்த கூட்டத்தில் மாவட்ட வருவாய் அலுவலர் சண்முகநாதன் ,வருவாய் கோட்டாட்சியர் சங்கீதா உள்ளிட்ட ஏராளமானோர் கலந்து கொண்டனர்.