சங்கரன்கோவில் அருகே ரயில் முன்பு பாய்ந்து முதியவர் தற்கொலை

தென்காசி மாவட்டம் சங்கரன்கோவில் அருகே உள்ள செண்பகாபுரத்தைச் சேர்ந்தவர் முத்துப்பாண்டி (67). முத்துப்பாண்டி கரிவலம்வந்த நல்லூர் அருகே உள்ள சென்னிகுளம் - பருவக்குடி செல்லும் தண்டவாளத்தில்  மதுரையில் இருந்து குருவாயூர் செல்லும் ரயில் முன்பு பாய்ந்து தற்கொலை செய்து கொண்டார். இது பற்றி தகவல் கிடைத்ததும் ஸ்ரீவில்லிபுத்தூர் போலீசார் முதியவர் முத்துப்பாண்டியின் உடலை கைப்பற்றி பிரேத பரிசோதனைக்காக சங்கரன்கோவில் அரசு மருத்துவமனைக்கு அனுப்பி வைத்தனர். மேலும் ஸ்ரீவில்லிபுத்தூர் ரயில்வே போலீசார் வழக்கு பதிவு செய்து விசாரணை நடத்தி வருகிறார்கள். குடும்ப பிரச்சனையால் தற்கொலை செய்திருப்பதாக விசாரணையில் தெரியவருகிறது.