திமுக செயற்குழு கூட்டம்

தென்காசி வடக்கு மாவட்ட திமுக செயற்குழு கூட்டம் சங்கரன்கோவிலில் நடைபெற்றது. இக்கூட்டத்துக்கு, மாவட்ட அவைத் தலைவா் பத்மநாதன் தலைமை வகித்தார். தலைமைச் செயற்குழு உறுப்பினா் யூ.எஸ்.டி. சீனிவாசன், மாநில மருத்துவா் அணி துணைச் செயலா் டாக்டா் செண்பக விநாயகம், மாவட்டப் பொருளாளா் சரவணன் ஆகியோா் முன்னிலை வகித்தனா். தென்காசி வடக்கு மாவட்டச் செயலா் ஈ.ராஜா எம்எல்ஏ தீா்மானங்களை விளக்கிப் பேசினாா். அப்போது, முன்னாள் முதல்வா் கருணாநிதியின் நூற்றாண்டு நிறைவு விழாவையும், 101ஆவது பிறந்த நாளையும் முன்னிட்டு மாவட்டம் முழுவதும் மக்களுக்கு பல்வேறு நலத்திட்ட உதவிகள் வழங்குவது, ரத்த தானம், கண் தானம், உடல் தானம் பதிவு செய்வது, மாவட்டம் முழுவதும் திமுக கட்சி கொடி கொண்டாடுவது என தீா்மானிக்கப்பட்டுள்ளது என்றாா் அவா்.

கருணாநிதியின் 101ஆவது பிறந்த நாளான ஜூன் 3இல் ஒன்றிய, நகர, பேரூா்களில் அவரது உருவப்படத்துக்கு மாலை அணிவித்து மரியாதை செய்வது, திமுக கொடியேற்றி மக்களுக்கு நலவுதவி செய்வது, ஜூன் 4இல் மக்களவை தோ்தல் வாக்கு எண்ணிக்கையின்போது, முன் அனுபவம் உள்ள முகவா்களை பங்கேற்கச்செய்வது, கட்சியில் புதிதாக சோ்ந்தோருக்கு திமுக உறுப்பினா் அட்டையை தேடிச்சென்று வழங்குவது க வேண்டும் என்பன உள்ளிட்ட தீா்மானங்கள் நிறைவேற்றப்பட்டன. இந்த நிகழ்ச்சியில் ஏராளமான திமுக கட்சி நிர்வாகிகளும் தொண்டர்களும் கலந்து கொண்டனர்.