பைக் விபத்தில் சத்துணவு பெண் ஊழியர் பலி

தூத்துக்குடி மாவட்டம் சாத்தான்குளம் அருகே ஜெபகூட்டத்திற்கு சென்று வந்தபோது ஸ்கூட்டி கவிழ்ந்து விபத்துக்குள்ளானதில் சத்துணவு பெண் ஊழியர் உயிரிழந்தார். தூத்துக்குடி மாவட்டம், சாத்தான்குளம் அருகேயுள்ள வேலாயுதபுரத்தை சேர்ந்தவர் அருள் சிலுவைதுரை மனைவி குழந்தை அமலா (54). இவர் வேப்பங்காடு கீழ ராமசாமிபுரம் புனித அன்னாள் உயர்நிலை பள்ளியில் சத்துணவு அமைப்பாளராக வேலை பார்த்து வந்தார். சிலுவைதுரை ஏற்கனவே இறந்துவிட்டார். இவர்களுக்கு ராபின்சன் ராஜாஉள்பட இரண்டுமகன், ஒருமகள்உள்ளனர்.

இவர்களில் 2வது மகன், கடந்த ஆண்டுஉயிரிழந்து விட்டார். மகள், மகனுக்கு திருமணமாகிவிட்டது. இந்நிலையில் நேற்று இரவு குழந்தை அமலா, நெல்லை மாவட்டம் கூத்தன்குழியில் நடந்த ஜெபகூட்டத்திற்கு சென்றார். பின்னர் இன்று அதிகாலை5.30 மணி அளவில் அங்கிருந்து சாத்தான்குளத்திற்கு ஸ்கூட்டியில் வந்து கொண்டிருந்தார். சாத்தான்குளம் அருகே சங்கரன்குடியிருப்பு - ஆலங்கிணறு பகுதியில் வந்தபோது எதிர்பாராத விதமாக பைக்கட்டுப்பாட்டை இழந்து பள்ளத்தில் கவிழ்ந்தது. இதில்படுகாயம் அடைந்த குழந்தை அமலா, சம்பவ இடத்தில் உயிரிழந்தார்.

தகவல் அறிந்து சாத்தான்குளம் காவல் ஆய்வாளர் ஏசுராஜசேகரன் மற்றும் போலீசார், சம்பவ இடம் சென்று விபத்தில் பலியானகுழந்தை அமலா உடலை மீட்டு பிரேத பரிசோதனைக்காக சாத்தான்குளம் அரசு மருத்துவமனைக்கு அனுப்பி வைத்தனர். இந்தவிபத்து குறித்து மூத்த மகன் ராபின்சன்ராஜா அளித்த புகாரின் பேரில் சாத்தான்குளம் போலீசார் வழக்குபதிந்து விசாரணை நடத்தி வருகின்றனர்.