திருமருகலில் நிதி மேலாண்மை பயிற்சி

நாகை மாவட்டம் திருமருகலில் மகளிர் திட்ட வட்டார அளவிலான நிர்வாகிகளுக்கான நிர்வாகம் மற்றும் நிதி மேலாண்மை பயிற்சி நாகை மாவட்டம் திருமருகல் மற்றும் நாகப்பட்டினம் வட்டார அளவிலான கூட்டமைப்பு,செயற்குழு உறுப்பினர்கள் மற்றும் நிர்வாகிகளுக்கான நிர்வாகம் மற்றும் நிதி மேலாண்மை பயிற்சி திருமருகல் வட்டார இயக்க மேலாண்மை அலுவலகத்தில் நேற்று நடைபெற்றது.

தமிழ்நாடு மாநில ஊரக வாழ்வாதார இயக்கத்தின் இணை இயக்குனர் திட்ட இயக்குனர் முருகேசன் ஆலோசனைப்படி நடைபெற்ற இப்பயிற்சிக்கு திருமருகல் வட்டார இயக்க மேலாளர் அறிவுநிதி தலைமையில் தாங்கினார்.

இதில் மகளிர் திட்ட மாவட்ட வள பயிற்றுநர் ஸ்ரீரங்கபாணி வட்டார கூட்டமைப்பின் கடமைகள்,பொறுப்புகள்,சேவைகள்,கூட்டமைப்பின் நிர்வாகிகள் மாற்றம்,நிதி மேலாண்மை,கணக்கில் கொள்கை,உள் கட்டுப்பாடு,நிதி அறிக்கை,சேமிப்பு திட்டங்கள்,கடன் திட்டங்கள்,வாழ்வாதார திட்டங்கள்,நிதி சேவைகள்,காப்பீடுகள் தொழில்நுட்ப உதவிகள்,நிதி மேலாண்மை,

நிதி மேலாண்மையின் படிநிலைகள்,தீர்மானம் புத்தகம் ஆண்டு திட்டம் போன்றவை பயிற்சி அளிக்கப்பட்டது.இதில் வட்டார ஒருங்கிணைப்பாளர்கள் இந்துஜா,அண்ணாதுரை,லதா,அமுதா,உதயகுமாரி ஆகியோர் கலந்து கொண்டனர்.முடிவில் வட்டார ஒருங்கிணைப்பாளர் கார்த்திகா நன்றி கூறினார்.