கீழ்வேளுரில் உங்களை தேடி, உங்கள் ஊரில் முகாம்

மக்களை நாடி, மக்கள் குறைகளை கேட்டு, உடனுக்குடன் தீர்வு காண அரசு இயந்திரம் களத்திற்கே வரும் "உங்களை தேடி, உங்கள் ஊரில்" என்ற திட்டம் அறிவிக்கப்பட்டுள்ளது. இதன்படி, "உங்களை தேடி, உங்கள் ஊரில்" திட்டத்தின் கீழ், நாகப்பட்டினம் மாவட்டம், கீழ்வேளுர் வட்டத்தில் 21.02.2024 காலை 09.00 மணி முதல் 22.02.2024 காலை 09.00 மணி வரை நாகப்பட்டினம், மாவட்ட ஆட்சியரால் அரசு அலுவலகங்கள், செயல்படுத்தப்பட்டு வரும் திட்டங்கள் குறித்தான கள ஆய்வு செய்தல் மற்றும் பொது மக்களை சந்தித்து கோரிக்கை மனுக்கள் பெற்று கூட்டங்கள் நடைபெற உள்ளது. மேலும் இதனை தொடர்ந்து கலை பண்பாடு தொடர்பான விளையாட்டுகள் மற்றும் கலை நிகழ்ச்சிகள் நடைபெற உள்ளது. எனவே. நாகப்பட்டினம் மாவட்டம், கீழ்வேளுர் வட்டத்தில் நடைபெற உள்ள "உங்களை தேடி, உங்கள் ஊரில்" என்ற திட்டத்தில் கலந்துகொண்டு பொதுமக்கள் பயன்பெறுமாறு மாவட்ட ஆட்சித்தலைவர் தெரிவித்துள்ளார்.