டூவீலர் நேருக்கு நேர் மோதி விபத்து - நான்கு பேர் படுகாயம் !

இளைஞர் ஓட்டிய டூவீலர் மீது இளம்பெண் ஓட்டிய டூ வீலர் நேருக்கு நேர் மோதி விபத்து. நான்கு பேர் படுகாயம். கரூர் மாவட்டம், ஜெகதாபி அருகே உள்ள கருநெல்லி கவுண்டனூர் பகுதியைச் சேர்ந்தவர் நடராஜன் மகன் தமிழ்ச்செல்வன் வயது 20. இவரது நண்பர் கரூர் மாவட்டம், கிருஷ்ணராயபுரம் அருகில் உள்ள ரங்கநாதபுரம் பகுதியைச் சேர்ந்தவர் தனுஷ் வயது 20. இவர்கள் இருவரும் மார்ச் 28ஆம் தேதி மாலை 4 மணி அளவில், திண்டுக்கல்- கரூர் சாலையில் அவர்களது டூவீலரில் சென்று கொண்டு இருந்தனர். இவர்களது வாகனம் மணவாடி பிளாஸ்டிக் பூ விற்பனை கடை அருகே வந்தபோது, எதிர் திசையில், கரூர், மணவாடி, ராசிபார்க் பகுதியைச் சேர்ந்த நேரு மனைவி கார்த்திகா வயது 33 என்பவர் ,அவரது மகள் கஷ்விகா வயது 8 என்பவருடன் டூவீலரில் வேகமாக சென்றவர், தமிழ்ச்செல்வன் ஓட்டிய டூவீலர் மீது நேருக்கு நேர் மோதி விபத்து ஏற்பட்டது. இந்த விபத்தில் டூவீலரில் பயணித்த நான்கு பேருக்கும் பலத்த காயம் ஏற்பட்டது. உடனடியாக அனைவரையும் மீட்டு, கரூர் அரசு மருத்துவக் கல்லூரி மருத்துவமனையில் சிகிச்சைக்காக அனுமதித்தனர். இந்த சம்பவம் தொடர்பாக தமிழ்செல்வன் அளித்த புகாரின் பேரில், சம்பவ இடத்துக்கு சென்று விசாரணை மேற்கொண்ட காவல்துறையினர், டூவீலரை கவனக்குறைவாகவும், வேகமாகவும் ஓட்டி, விபத்து ஏற்பட காரணமான கார்த்திகா மீது வழக்கு பதிவு செய்துள்ளனர் வெள்ளியணை காவல்துறையினர்.